Miedyja-analityk Maryja Sadoŭskaja-Kamłač raskazała ŭ fejsbuku, što z MZS zvolnili jaje brata Andreja Sadoŭskaha — za publikacyju ŭ sacyjalnych sietkach ułasnych vieršaŭ, u jakich asudžaŭsia hvałt na vulicach haradoŭ paśla vybaraŭ, pieradaje «Radyjo Svaboda».
«Na papiery vyhladaje jak uzajemna ŭzhodnienaje rašeńnie — baki prosta vyrašyli spynić pracoŭnyja adnosiny. Jon adpracavaŭ tam amal 20 hadoŭ i ciapier atrymlivaje dziasiatki kamientaroŭ ad ludziej, jakija jaho padtrymlivajuć. My nikoli nie abmiarkoŭvali jaho pracu, ale ja viedała, što jon pryśviačaŭ joj i vychodnyja dni, kali było nieabchodna. Pry hetym nikoli nie vystupaŭ suprać svaich kaštoŭnaściaŭ. Mnie było cikava, kali jamu prapanujuć pakinuć svajo miesca z «palityčnych» pryčyn. Jak bačna, zaniało niekatory čas», — adznačyła Maryja Sadoŭskaja-Kamłač.
U zamiežnapalityčnym viedamstvie Andrej Sadoŭski zajmaŭ pasadu daradcy ŭ palityčnych i konsulskich pytańniach. Da taho pracavaŭ u ambasadzie Biełarusi ŭ Izraili.
Sam Andrej Sadoŭski na zvalnieńnie adreahavaŭ u vieršavanaj formie:
Nanimatiel nie očień dovolen
(Naniesien jeho čiesti uron?).
Nie vpisałsia v format i uvolen
Był v śviazi s sohłašieńjem storon…
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB3
Kamientary