Arciom Ziacikaŭ 7 hadoŭ pracavaŭ staršym vykładčykam kafiedry farmaceŭtyčnaj chimii BDMU. Ale 6 kastryčnika jon napisaŭ zajavu na zvalnieńnie. Kaža, kab paźbiehnuć inšych prablem.
«Tak, zvolniŭsia, bo padtrymaŭ studentaŭ u videazvarocie», — pryznaje Ziacikaŭ.
«Paśla taho jak vyjšła hetaje videa, nas [vykładčykaŭ] zaprasili ŭ rektarat, tam była razmova. Nam zrabili zaŭvahu, što my zapisali videazvarot u abychod kiraŭnictva. Adkryta niejkija pahrozy nie vykazvali, ale było zrazumieła, što na nas točać zub, — zhadvaje Arciom Ziacikaŭ. —
Nu i ŭčora jašče byŭ vypadak, jaki, napeŭna, staŭ apošniaj kroplaj. Studentka siadzieła ŭ adzinočnym pikiecie la rektarata. Ja jaje padtrymaŭ — sfatahrafavaŭsia ź joju na svaim pracoŭnym miescy i vykłaŭ fota u telehram-kanał BDMU.
A siońnia ranicaj mnie skazali, što ja pierajšoŭ miažu. Hetyja słovy mnie pieradali, asabista z rektaram ja nie sustrakaŭsia. Paśla my pierahavaryli z kiraŭnictvam kafiedry — jany mianie padtrymlivajuć, vielmi rastrojenyja, ale zrazumieła, što na ich taksama cisnuć. I paśla hetaj razmovy było zrazumieła, što mnie treba napisać zajavu na zvalnieńnie, kab paźbiehnuć lišnich prablem».
Zajavu vykładčyku ŭžo padpisali. 31-hadovy Ziacikaŭ pracavaŭ na kafiedry z momantu jaje zasnavańnia — heta 7 hadoŭ. Ale ž ciapier, kaža, chutčej za ŭsio pojdzie na pracu pa śpiecyjalnaści: u apteku. Kaža, prapanovy ŭžo jość.
«Ciapier ja trochi ŭ stanie šoku, ale ž kali zapisvaŭ videa, to razumieŭ nastupstvy», — pryznaje vykładčyk.
U jaho žonka ŭ dekrecie i dvuchhadovaje dzicia. Tym nie mienš źviartacca ŭ fondy pa hrašovuju dapamohu Ziacikaŭ nie płanuje.
«Troški hrošaj u mianie adkładziena — chopić. Ja liču, što jość šmat ludziej, jakim finansavaja padtrymka patrebnaja bolš, čym mnie», — kaža jon.
U miedycynskim univiersitecie paćvierdzili partału tut.by, što vykładčyk zvalniajecca pa ŭłasnym žadańni, ale ad padrabiaznych kamientaroŭ admovilisia.
Čytajcie taksama: Zvolnili vykładčycu minskaha mieda — pryjšła padtrymać studentaŭ na adłupie ŭ administracyi
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary