Žonka ministra zamiežnych spraŭ Uładzimira Makieja, aktrysa Viera Palakova-Makiej ekspresiŭna vykazałasia nakont historyi z zatrymanaj 26 kastryčnika aktrysaj Teatra-studyi kinaakciora Alenaj Hiranok.
Čytajcie taksama: «Amapaviec skazaŭ iści ŭ bus pa mužčynie, jaki lažaŭ na padłozie». Aktrysa z «Kupały» pra svajo žorstkaje zatrymańnie
Da jaje ŭ fejsbuku źviarnuŭsia staršynia Biełaruskaha fondu kulturnaj salidarnaści Siarhiej Budkin: «Vielmi spadziajusia, što jaje kaleha Viera Palakova, ź jakoj jany syhrali razam dziasiatki śpiektaklaŭ, dapamoža zrabić usio, kab Alena jak maha chutčej apynułasia na svabodzie».
«Nie treba, pavažany, zaklikać da majho sumleńnia. Lenie Hiranok nie 5 hadoŭ, i ŭsie pytańni, datyčnyja našaha supracoŭnictva, my ź joj abmierkavali jašče da 9 žniŭnia! Ja jaje papiaredžvała ab nastupstvach, i my damovilisia, što na scenie my pa-za palitykaj, a ŭ zvyčajnym žyćci kožny zastajecca pry svaim mierkavańni! Ja nikoli nie admoŭčvajusia, i, u adroźnieńnie ad mnohich z vas, majo mierkavańnie nie mianiajecca ŭžo na praciahu 20 hadoŭ.
Lena ŭžo daŭno doma. Ja znachodžusia ŭ špitali ŭ ciažkim stanie (u aktrysy karanavirus. — NN). Pryčym vam padobnyja jašče pažadali mnie zdochnuć.
Tamu nie treba tut chiernioj stradać! Zajmiciesia lepš spravaj, a to niadobra zdarovym mužykam jazykami ŭ sietcy čuchać. Hidka čytać takoje».
Alenu Hiranok vyzvalili z Maskoŭskaha RUUS u noč na 27 kastryčnika.
Kamientary