Premjer-ministr Biełarusi Raman Hałoŭčanka padkreślivaje, što zakliki da strajkaŭ — heta nie što inšaje, jak pramyja zakliki da naniasieńnia škody svajoj krainie i ludziam. Ab hetym jon zajaviŭ siońnia, piša BiełTA.
«I ŭčora, i siońnia abstanoŭka ŭ pracoŭnych kalektyvach spakojnaja, rabočaja. Toj płan, jaki šyroka anansavaŭsia (zakliki da ahulnanacyjanalnaha strajku), jon, naturalna, nie adbyŭsia. Jon i nie moh adbycca. Ludzi nastrojeny na toje, kab pracavać, zarablać, realizoŭvać svaje płany, jakija jany majuć. Nastrojeny na toje, kab siemji atrymlivali prybytak. Tamu absalutna spakojnaja abstanoŭka», — zajaviŭ premjer-ministr.
Raman Hałoŭčanka adznačyŭ, što nie pierabolšvaje pahrozu ad padobnych zaklikaŭ. Tym nie mienš, jon źviarnuŭsia ŭ tym liku da tych, chto zaklikaŭ rabotnikaŭ pradpryjemstvaŭ da strajkaŭ: «Heta pramyja zakliki da naniasieńnia škody svajoj krainie i ludziam, jakija žyvuć u hetaj krainie i pracujuć. Bo zaklik da spynieńnia pradpryjemstva — heta nie što inšaje, jak rasčystka miesca dla našych kankurentaŭ».
Kamientary