SAAZ paviedamiła pra rekordny rost kolkaści zaražeńniaŭ karanavirusam za tydzień
Kolkaść tych, chto zaraziŭsia karanavirusam, vyrasła ŭ śviecie za minuły tydzień amal na 4 młn, heta samy vysoki pakazčyk z pačatku pandemii. Kolkaść vypadkaŭ sa śmiarotnym zychodam pavialičyłasia bolš čym na 59 tys., paviedamiła ŭ noč na sieradu Suśvietnaja arhanizacyja achovy zdaroŭja (SAAZ), piša TASS.
Ad 8 da 15 listapada ŭ śviecie byli zarehistravanyja 3 977 223 novyja vypadki zaražeńnia i 59 699 śmiarotnych zychodaŭ. Abodva pakazčyki istotna vyraśli ŭ paraŭnańni z papiarednimi siamju dniami, kali było vyjaŭlena 3 695 495 novych chvorych, a pamierli 54 835 čałaviek.
«Choć rehijon Jeŭropy praciahvaje paviedamlać ab samym vialikim liku tych, chto zachvareŭ (46%), na minułym tydni jon źniziŭsia na 10% [u paraŭnańni z papiarednimi siamju dniami] z pryčyny ŭzmacnieńnia mier u halinie achovy zdaroŭja i hramadskich mier», — skazali ŭ SAAZ. U Starym Śviecie z 8 pa 15 listapada było zarehistravana 1 840 085 vypadkaŭ zaražeńnia i 29 043 pamierłych.
U Paŭnočnaj i Paŭdniovaj Amierycy za tydzień kolkaść infikavanych vyrasła bolš čym na 1,45 młn, pamierli bolš za 19 tys. čałaviek. U rehijonie Paŭdniova-Uschodniaj Azii zarazilisia bolš za 373 tys. čałaviek, a kolkaść śmiarotnych zychodaŭ za siem dzion pieravysiła 4,5 tys.
U ZŠA kolkaść zaražanych pavialičyłasia bolš jak na 1 młn, u Indyi — bolš jak na 306 tys., u Italii — na 242 tys., u Francyi — na 203 tys., u Brazilii — na 179 tys. Dalej iduć Vialikabrytanija, dzie za siem dzion było zarehistravana amal 173 tys. novych vypadkaŭ infikavańnia, Polšča (bolš jak 169 tys.), Rasija (bolš jak 151 tys.), Hiermanija (amal 132 tys.) i Ispanija (bolš jak 87 tys.).
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary