Dva z pałovaj miesiacy praciahvalisia pošuki siamji ź vioski Zadvorje Staŭbcoŭskaha rajona. Uvieś hety čas siamja žyła ŭ Nalibockaj puščy, paviedamiła BiełTA sa spasyłkaj na MUS.
U noč na 6 vieraśnia 36-hadovyja baćki ź dziećmi 12 i 17 hadoŭ syšli z domu ŭ nieviadomym kirunku. Siamja pakinuła zapisku «pajechali padarožničać pa vialikaj krainie».
«Miascovyja žychary raspaviali, što na praciahu niekalkich hadoŭ siamja była ŭ relihijnaj supołcy. U apošni čas jany raskazvali pra budučy apakalipsis i nieabchodnaść sychodu ŭ schovišča. Aktyŭna i ŭ vialikaj kolkaści kuplali kansiervavanyja pradukty, krupy, bytavuju chimiju, jakija pry ahladzie ich doma vyjaŭlenyja nie byli», — adznačyli ŭ MUS.
Na asnovie pieršapačatkovaj infarmacyi, najbolš vierahodnym miescam znachodžańnia źnikłych była vyznačana Nalibockaja pušča, a heta terytoryja Staŭbcoŭskaha, Karelickaha, Navahrudskaha, Iŭjeŭskaha i Vałožynskaha rajonaŭ. Abśledavać nieabchodna było bolš za 100 tys. ha lesu.
Udzieł u pošukach brała milicyja, atrad «Anioł», dapamohu akazvali miascovyja žychary, supracoŭniki RANS, leśniki, pravodzilisia abloty puščy na viertalocie.
20 listapada była atrymana infarmacyja, što žančyna, padobnaja pa prykmietach na šukanuju, zachodziła ŭ kramu ŭ vioscy Bor Navahrudskaha rajona. Abśledavali bližejšyja chutary, vadajomy, lasnyja budynki, ściežki i padjaznyja šlachi, u vyniku supracoŭniki kryminalnaha vyšuku razam z dvuma vałanciorami pa lasnoj ściežcy vyjšli da Šubina-Niomanskaha kanała.
«Na lasnoj palanie supraćlehłaha bieraha ŭdzielniki pošukavaj hrupy zaŭvažyli vajskovuju pałatku. Pierabraŭšysia na supraćlehły bierah ubrod i ahledzieŭšy pałatku, pryjšli da vysnovy, što jana źjaŭlajecca vierahodnym miescam pražyvańnia tych, kaho šukali. I nie pamylilisia: z nadychodam ciemry pustelniki viarnulisia ŭ svajo časovaje žyllo», — padkreślili ŭ viedamstvie.
Paśla ahladu daktarami siamja viarnułasia dadomu. Jak rastłumačyli darosłyja, adpravicca ŭ les ich vymusiŭ karanavirus. Dakładniej, ubačany na adnym ź psieŭdanavukovych telekanałaŭ siužet pra toje, što razam z vakcynaj ad virusa ludziam buduć uvodzicca niejkija čypy. U vyniku pieračakać pandemiju siamja vyrašyła ŭ lesie.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary