Zatrymanuju ŭ niadzielu supracoŭnicu BDUIR adpuścili z Akreścina. Jaje ŭziali razam z sabakam
Vyzvalena z Akreścina staršy vykładčyk kafiedry inžyniernaj psichałohii i erhanomiki BDUIR Julija Paškoŭskaja, paviedamlaje dev.by sa spasyłkaj na telehram-kanał «Mirny BDUIR».
Piedahoha zatrymali ŭ Minsku 22 listapada ŭ dvary ŭłasnaha doma. Jana vyhulvała sabaku i išła ź siabroŭkaj da susiedniaha doma, kab sustreć syna, jaki byŭ u siabra. Kab trapić da doma, im treba było prajści praź siłavikoŭ. Pa darozie Julija razam ź siabroŭkaj padyšli da adnaho ź ich i zrabili zaŭvahu, piša Tut.by.
— Usio było kulturna, prosta začapiła hetaja niespraviadlivaść. Jula skazała: «Što vy robicie, našy dzieci bajacca prajści dadomu», — raspaviadaje siabroŭka Natalla. — Paśla hetaha čaćviora amapaŭcaŭ padchapili jaje i sabaku i zapichali ŭ aŭtazak. «Vy choć addajcie sabaku!» — stali kryčać minaki. Sabaku addali. Ja ž prasiła, kab jany adpuścili Julu, tłumačyła: u jaje dvoje niepaŭnaletnich dziaciej. U adkaz pačuła: «Liču da troch, kali ty nie pojdzieš, budzieš tam (u aŭtazaku razam z sabakam)».
Natalla z sabakam adyšli ŭ bok. U hety momant siłavikam pastupiła kamanda źjazdžać, i jany źjechali. Juliju Paškoŭskuju spačatku pavieźli ŭ Pieršamajskaje RUUS, potym na Akreścina.
Ciapier Julija Paškoŭskaja na voli. Sud pa jaje spravie pavinien adbycca 30 listapada.
Julija Paškoŭskaja — adna z udzielnic strajku supracoŭnikaŭ BDUIR. Taksama jana była adnoj z udzielnic videazvarotaŭ da biełarusaŭ z zaklikam pastupać pa sumleńni i nie vykonvać złačynnyja zahady.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie39
Kamientary