Zakliki biełaruskich palityčnych mihrantaŭ, što vandrujuć pa ES, nakiravany nie na pošuk dyjałohu, a na raskručvańnie kanfliktu. Ab hetym zajaviŭ kiraŭnik MZS Rasii Siarhiej Łaŭroŭ, paviedamlaje BiełTA.
«Havoračy ab zaklikach, jakija biełaruskija palityčnyja mihranty vykazvajuć ź Vilni, Varšavy, inšych zachodnich stalic, padarožničajučy pa Jeŭropie, vystupajučy ŭ roznych strukturach ES, vyklikajuć šmat pytańniaŭ, — skazaŭ Siarhiej Łaŭroŭ. — Jany naceleny nie na prasoŭvańnie dyjałohu, a na vystaŭleńnie ŭltymatumaŭ. Ich užo było niamała, uklučajučy patrabavańni da vajskoŭcaŭ, supracoŭnikaŭ pravaachoŭnych orhanaŭ parušyć prysiahu, syści «ŭ padpolle», pierajści na bok radykalnaj apazicyi. Heta ŭsio vyklikaje vialikuju zaniepakojenaść, tamu što nacelena na raskručvańnie kanfliktu, a nie na pieravod jaho ŭ palityčnaje rečyšča, u rečyšča dyjałohu, da čaho, jak my čuli nieadnarazova, kiraŭnictva Biełarusi hatova. Jość inicyjatyva ab kanstytucyjnaj reformie, Usiebiełaruskim narodnym schodzie. Niadaŭna ŭ Minsku abmiarkoŭvali heta z prezidentam Respubliki Biełaruś Alaksandram Łukašenkam i ministram zamiežnych spraŭ Uładzimiram Makiejem. Aktyŭna padtrymlivajem nastroj na arhanizacyju maksimalna šyrokaha nacyjanalnaha dyjałohu, padčas jakoha ŭsie asnoŭnyja hrupy biełaruskaha hramadstva zmohuć unieści svoj układ u pieraadoleńnie ciapierašniaj situacyi i narmalizacyju stanovišča».
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary