Dziaržabvinavaŭca patrabuje dva hady turmy i paŭtara hoda «chimii» za nadpis «Nie zabudziem» na Puškinskaj
U Minsku sudziać niekalki čałaviek za adnaŭleńnie nadpisu «Nie zabudziem» na miescy hibieli Alaksandra Tarajkoŭskaha. Tak, u Frunzienskim sudzie praciahvajecca praces nad 26-hadovym Maksimam Paŭluščykam i 25-hadovaj Maryjaj Babovič.
Dziaržaŭny abvinavaŭca spasłałasia na «chulihanski matyŭ» i prosić dla Maksima Paŭluščyka dva hady pazbaŭleńnia voli ŭ kałonii ŭzmocnienaha režymu. Dla Maryi Babovič — da 1 hoda 6 miesiacaŭ pakarańnia biez nakiravańnia ŭ miescy adbyćcia pakarańnia, a taksama źmianić joj mieru strymańnia na padpisku ab niavyjeździe, piša «Radyjo Svaboda».
Suprać Paŭluščyka i Babovič pačali spravu za chulihanstva i naŭmysnaje paškodžańnie majomaści, što paciahnuła škodu ŭ bujnym pamiery — pavodle č. 2 art. 339 i č. 2 art. 218. Padstavaj stała adnaŭleńnie nadpisu «Nie zabudziem» na miescy hibieli 10 žniŭnia Alaksandra Tarajkoŭskaha.
Pradstaŭnica «Harramaŭtadara» na pracesie skazała, što pradpryjemstva admaŭlajecca ad pazovu ŭ źviazku z tym, što na raźlikovy rachunak pradpryjemstva pastupili hrošy dla kampensacyi zajaŭlenaha ŭronu ŭ 211 rubloŭ. Pradstaŭnica «Harramaŭtadara» admoviłasia ad vystupu ŭ sprečkach.
Druhija sutki kamunalniki «admyvajuć» miemaryjał Tarajkoŭskamu. Navošta heta moža rabicca?
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary