Minčuku, što adbivaŭ 14 lipienia pratestoŭca, dali čatyry hady kałonii

Sud Maskoŭskaha rajona Minska 24 śniežnia asudziŭ 29-hadovaha Illu Frenia. Jaho abvinavacili ŭ hvałcie ŭ dačynieńni da dvuch supracoŭnikaŭ AMAPa 14 lipienia na płoščy Pieramohi — jon adbivaŭ pratestoŭca ad zatrymańnia. Sudździa Lilija Cialica pryznała Frenia vinavatym pavodle art. 364 KK i asudziła jaho na 4 hady pazbaŭleńnia voli ŭ kałonii va ŭmovach ahulnaha režymu. Mienavita stolki patrabavaŭ prakuror. Chłopca aryštavali ŭ zale suda, piša spring96.org

Paciarpiełymi pa spravie pryznanyja dva supracoŭniki minskaha AMAPa — Ihar Astapuk i Vital Samalotaŭ.

Pavialičyć

Jak raspavioŭ na sudzie Illa Freń, 14 lipienia jon pasvaryŭsia z žonkaj i vyrašyŭ prajechacca pa horadzie, ale daroha kala płoščy Pieramohi apynułasia pierakrytaja. Tamu jon vyrašyŭ pajści pieššu. Kala Zybickaj Illa sustreŭ kampaniju asob, jakaja prapanavała jamu prajścisia razam ź imi. Pa słovach Illi, nijakaj simvoliki pry sabie ŭ ich nie było. Potym kala cyrka ludziej pačaŭ zatrymlivać AMAP i ŭsie pabiehli ŭ roznyja baki.

Kala praśpiekta Niezaležnaści 31a Illa ŭbačyŭ, jak supracoŭnik AMAPu pavaliŭ na ziamlu nieviadomaha chłopca i siłaj jaho zatrymlivaŭ. Pa słovach Frenia hety supracoŭnik — Vital Samalotaŭ — jaho biŭ. Astapuk znachodziŭsia pobač, ale nijakich dziejańniaŭ nie rabiŭ. Pa słovach abvinavačanaha, jon vyrašyŭ dapamahčy lažačamu na ziamli chłopcu i spačatku ŭdaryŭ nahoj Astapuka pa jahadzicach, paśla čaho supracoŭnik AMAPu ŭpaŭ i prajechaŭsia na kalenie. Zatym Illa Freń udaryŭ Samalotava dva razy ŭ vobłaść hałavy i dva razy pa hrudzi. Pa słovach abvinavačanaha, jamu zdałosia, što Samalotaŭ pačaŭ zamachvacca na jaho dubinkaj da taho, jak jon nanios udary. Zatym supracoŭniku AMAPu Astapuku byli naniesienyja jašče niekalki ŭdaraŭ, ale nichto nie pamiataje, što kankretna adbyvałasia. Supracoŭnik AMAPu Samalotaŭ śćviardžaje, što zatrymańnie chłopca jon ažyćciaŭlaŭ, ale nie biŭ jaho.

Paśla incydentu Illa Freń uciok, ale praź niekatory čas jaho zatrymali: z 29 lipienia pa 8 žniŭnia jon utrymlivaŭsia pad vartaj.

U sudovym pasiadžeńni abvinavačany vinu pryznaŭ častkova: pryznaŭ, što sapraŭdy im byli naniesienyja cialesnyja paškodžańni supracoŭnikam AMAPu, ale kudy i jakim čynam jon dakładna nie pamiataje, pakolki znachodziŭsia pad dziejańniem «adrenalinu». U zroblenym raskajvajecca. 

Padčas śledstva abvinavačany zapisaŭ videa z vybačeńniami pierad supracoŭnikami AMAPu. Jany na sudzie skazali, što bačyli hetaje videa. 

U Illa doma siamja: žonka i 7-hadovaje dzicia. 

• 0
• 0
• 0
• 0
• 0
• 0
• 0
• 0