Śledčy kamitet admoviŭ u zadavalnieńni chadajnictvaŭ staršyni Biełaruskaj asacyjacyi žurnalistaŭ Andreja Bastunca i hałoŭnaj redaktarki haziety «Novy Čas» Aksany Kołb ab vyzvaleńni žurnalistki «Biełsata» Darji Čulcovaj pad asabistuju paruku, paviedamlaje BAŽ.
Śledčy Kudziela ŭ svajoj pastanovie nazyvaje chadajnictvy Andreja Bastunca i Aksany Kołb nieabhruntavanymi i niematyvavanymi.
Akramia hetaha, śledčy adznačaje, što ŭ vypadku vyzvaleńnia Čulcova moža schavacca ad śledčych orhanaŭ i suda, a taksama pieraškadžać papiaredniamu rasśledavańniu kryminalnaj spravy.
Pra rašeńnie śledčych nakont chadajnictva ab vyzvaleńni druhoj žurnalistki — Kaciaryny Andrejevaj (Bachvałavaj) — pakul nieviadoma, chacia jano było nakiravana ŭ SK niekalki tydniaŭ tamu.
Žurnalistki Kaciaryna Andrejeva i Darja Čulcova znachodziacca za kratami z 15 listapada, kali byli zatrymanyja paśla žyvoj tranślacyi dla «Biełsata» z razhonu siłavikami akcyi ŭ Minsku. Ich vinavaciać u arhanizacyi hrupavych dziejańniaŭ, jakija hruba parušajuć hramadski paradak (art. 342 KK RB).
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary