Volha Chižynkova: Heta ščaście — adčuvać padtrymku i luboŭ takoj kolkaści ludziej
Volha Chižynkova apublikavała ŭ sacsietkach pieršy paśla źniavoleńnia post, u jakim padziakavała za padtrymku.
«Doŭha ž ja źbirałasia z dumkami, kab napisać słovy padziaki Vam, siabry, — usim tym, chto pieražyvaŭ za mianie ŭsie hetyja 42 dni. Da hetaha času nie mahu ŭśviadomić maštabaŭ vašaj padtrymki i ŭžo sapraŭdy paniaćcia nie maju, jak ciapier adpaviadać usiamu vami skazanamu: tak šmat ciopłych słoŭ vy mnie adrasavali.
Ja nie mahu adkazać usim, ale spadziajusia, vy viedajecie, jak ja vam ŭdziačnaja. Heta ščaście — adčuvać padtrymku i luboŭ takoj kolkaści ludziej.
Składany 2020-y ja budu pravodzić z uśviedamleńniem, nakolki my možam być mocnymi ŭ svajoj hatoŭnaści padstavić plačo.
Mabyć, u biełarusaŭ uklučyŭsia niejki ŭnutrany resurs, što pieraŭtvaraje admoŭnuju enierhiju ŭ stvaralnuju. I papaŭniajecca jon kali my addajom, a nie atrymlivajem.
Dziakuj, nievierahodnyja biełarusy!»
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary