U kvaterach žycharoŭ Fanipala ŭžo ź siaredziny dnia niama ni aciapleńnia, ni haračaj vady. Pra heta Tut.by paviedamili čytačy. Pryčyna — avaryjnaje adklučeńnie kacielni.
— Pra toje, što ŭ damach niama ciapła, u čacie stali pisać jašče ŭ čas pracoŭnaha dnia. Kali ja viarnuŭsia dadomu, batarei ŭ kvatery praktyčna ŭžo astyli, — raspavioŭ nam miascovy žychar Ihar.
U siamji jość dzieci, kali b nie elektraabahravalniki, doma b užo stała zusim choładna, kaža mužčyna. Pa jaho słovach, haračaj vady taksama niama.
Kacielnia na ŭvieś Fanipal adna, što stała pryčynaj jaje spynieńnia, miascovym nieviadoma. Likvidavać usie niaspraŭnaści i adnavić padaču ciapła ŭ avaryjnych słužbach abiacali spačatku da vośmaj viečara, ciapier kažuć, što da paŭnočy.
Kamientary