U Minsku ŭ Malinaŭcy ŭ rajonie Jasienina avaryja. Čytačy «Našaj Nivy» paviedamlajuć, što źnikła haračaja vada i astyvajuć batarei. A prarvała truby jašče dniom. Źnikła ciapło i haračaja vada taksama na Rafijeva.
Michałova-2 taksama zastałosia biez aciapleńnia ŭ vyniku hetaj avaryi.
Vyhladaje, što na ramont treba sutki. Heta značyć, u mnohich kvaterach ciapła moža nie być da zaŭtrašniaha viečara.
«U druhim internacie BDUIR prarvała truby na čaćviortym paviersie. Na videa — druhi pavierch. Patop zakranuŭ šmat žyłych błokaŭ, studentaŭ čakaje viasiołaja noč», — paviedamlaje «Adličana».
Praz ekstranny ramont ciepłasietak 22 studzienia ŭ Minsku nie buduć pracavać siaredniaja škoła № 81 i dziciačy sad № 411 na vulicy Alšeŭskaha.
Zaŭtrašni dzień dzieci praviaduć va ŭstanovach, raźmieščanych pablizu. Dla navučencaŭ škoły № 81 buduć pracavać dziažurnyja hrupy ŭ škole № 128 (Alšeŭskaha, 59), vychavancaŭ 411-ha dziciačaha sadka čakajuć u jaślach-sadzie № 401 (Łyńkova, 23).
Školnyja zaniatki pieraniasuć ź piatnicy 22 studzienia na subotu 23 studzienia.
Z-za avaryjnaha adklučeńnia ciepłavych sietak z 18:00 21 studzienia da 18:00 22 studzienia budzie adsutničać aciapleńnie ŭ šerahu ŭstanoŭ adukacyi.
Licej №1, Himnazija №10, 174,192;
SŠ №26, 154, 160, 165, 170, 181, 206, 207, 208, 209, 213, 215;
Dziciačyja sady: № 94, 105, 128, 414, 430, 453, 455, 460, 496, 500, 513, 523, 524, 525, 541, 542, 544, 546, 547, 549, 551, 554, 555, 556, 557, 558, 560, 563, 564, 576.
Va ŭstanovach siaredniaj adukacyi zaniatki pieranosiacca z 22.01.2021 (piatnica) na 23.01.2021 (subota).
Ad učora pieraboi z padačaj aciapleńnia adbylisia taksama ŭ minskaj Ściapiancy.
Prablemy z aciapleńniem uźnikli i ŭ Oršy. Z 17:00 21 studzienia ŭ Oršy, u rajonie vulicy Savieckaj, pravodzicca avaryjny ramont ciepłamahistrali. Časova adklučana ciepłazabieśpiačeńnie mikrarajonaŭ Čaromuški, Uschodni, Centr, Astroŭskaha, Śviardłova, Paŭnočny, častkova Žyłpasiołka lnokambinata.
19 studzienia značnaja avaryja zdaryłasia ŭ Fanipali. Infarmacyja pra avaryi dachodziła taksama z Babrujska i Mahilova.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary