Izrailskija archieołahi znajšli purpurovuju farbu časoŭ cara Davida
Na kavałku tkaniny archieołahi ź Izraila znajšli purpurovuju farbu, jakaja, mierkavana, adnosicca da časoŭ kiravańnia biblejskaha cara Davida.
Jość mierkavańnie, što heta farba była bolš kaštoŭnaj za zołata i asacyjavałasia z carskaj siamjoj, paviedamlaje BBC.
Heta pieršy vypadak, kali tekstyl taho pieryjadu z takim koleram byŭ znojdzieny ŭ hetym rehijonie.
Frahmient znajšli padčas raskopak u dalinie Cimna, za 220 kiłamietraŭ ad Ijerusalima.
Purpurnaje adcieńnie nie vyćvitała, a zdabyć farbavalnik było vielmi składana, bo jon u małoj kolkaści źmiaščajecca ŭ ciele maluskaŭ. Mienavita tamu heta byŭ adzin z samych kaštoŭnych farbavalnikaŭ u tyja časy.
Purpur zhadvajecca ŭ Biblii, u tym liku ŭ adzieńni Davida, Sałamona i Isusa.
Znojdzieny frahmient datujecca prykładna 1000 hodam da našaj ery. U hety čas kiravaŭ car David, a zatym jaho syn Sałamon.
Kamientary