Rasija adkładaje na dva hady pačatak vypłataŭ pa kredycie na budaŭnictva BiełAES
Urad Rasii ŭnios na ratyfikacyju ŭ Dziarždumu pratakoł ab źmienach u rasijska-biełaruskaje pahadnieńnie ab vydzialeńni Biełarusi dziaržaŭnaha ekspartnaha kredytu dla budaŭnictva AES.
Dakumient raźmieščany na sajcie Dumy i praduhledžvaje nastupnyja ŭmovy restrukturyzacyi:
— padaŭžeńnie pieryjadu vykarystańnia kredytu na 2 hady (da kanca 2022 hoda),
— pieranos daty pačatku pahašeńnia asnoŭnaha doŭhu z 1 krasavika 2021 hoda na 1 krasavika 2023-ha,
— zamiena dziejnaj «źmiašanaj» pracentnaj staŭki pa kredycie na fiksavanuju pamieram 3,3% hadavych.
Pahadnieńniem ad 25 listapada 2011 h. pamiž uradami Biełarusi i Rasii ab vydzialeńni dziaržaŭnaha ekspartnaha kredytu dla budaŭnictva BiełAES była zaćvierdžanaja suma 10 młrd dalaraŭ.
«U abhruntavańni svajoj prośby ab pierahladzie ŭmovaŭ viartańnia kredytu biełaruski bok spasłaŭsia na źnižeńnie ŭzroŭniu suśvietnych cenaŭ na naftu i haz, što, na dumku partnioraŭ, paciahnuła źnižeńnie dachodnaści i pavieličeńnie terminu akupnaści atamnaha prajekta», — adznačajecca ŭ tłumačalnaj zapiscy.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ21
Kamientary