Pres-sakratar prezidenta RF Dźmitryj Piaskoŭ miarkuje, što nielha pravodzić paraleli pamiž pratestami ŭ Rasii i Biełarusi, bo situacyi ŭ dziaržavach roznyja, i pryčyny, jakija pryviali da rostu pratesnaj aktyŭnaści, taksama adroźnivajucca, piša TASS.
«Tut ja nie staŭ by pravodzić niejkich paralelaŭ. Biezumoŭna, jość padobnyja elemienty. Ja maju na ŭvazie elemienty, źviazanyja z pravakatarami, pravakacyjnyja elemienty. Tak, jany jość», — skazaŭ Piaskoŭ. «Ale ŭ toj ža čas my ž dźvie roznyja krainy. U nas roznyja situacyi, roznyja pryčyny, tamu ja zusim by nie atajasamlivaŭ heta», — dadaŭ jon.
Pry hetym Piaskoŭ padkreśliŭ, što ŭ abiedźviuch dziaržavach «siłavyja struktury vykonvajuć svoj doŭh». «Jany zmahajucca z pravakatarami i ź niesankcyjanavanymi akcyjami», — adznačyŭ jon.
TASS nahadvaje, što 29 studzienia na sustrečy sa studentami Alaksandr Łukašenka zajaviŭ, što Zachad, padtrymlivajučy pratesnuju aktyŭnaść u Biełarusi, chacieŭ «ažyćciavić blickryh, kab atrymać tramplin dla nastupleńnia suprać Rasii». U dačynieńni da padziej u RF Łukašenka skazaŭ, što heta «pieršy zvanok», i razhojdvańnie situacyi praciahniecca, bo ŭ vieraśni Rasiju čakajuć dumskija vybary, ale adznačyŭ, što ŭłady RF zdolejuć hetamu razhojdvańniu supraćstajać.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary