Usim delehatam zrabili testy na karanavirus, chvorych na schod nie puścili
Pra heta «Našaj Nivie» raspaviała deputatka Minharsavieta Volha Ciesakova. Volha taksama padzialiłasia pieršymi ŭražańniami ad Usiebiełaruskaha narodnaha schodu.
Volha raskazvaje, što jašče ŭ aŭtorak usim delehatam zrabili testy na karanavirus. U sieradu byli vyniki, i chvorych na schod u vyniku nie puścili.
«Mienavita hetym, dumaju, tłumačycca toje, što ludziej u maskach u zali amal niama. Usie adčuvajuć niejkuju rassłablenaść. Plus pracujuć kandycyjaniery, to bok pamiaškańnie pravietryvajecca. Pry hetym dosyć chaładno: mnohija pačali kašlać i čchać. Prynamsi maje susiedzi».
Zhodna z rassadkaj, Volha apynułasia pobač z Alaksandram Barsukovym.
«Napeŭna, heta zroblena ŭ vychavaŭčych metach, kab ja iznoŭ pieraabułasia», — žartuje deputatka.
Deputataŭ pačali źbirać u minskim pałacy kultury kala vośmaj hadziny ranicy, a paśla centralizavana transpartavali ŭ Pałac respubliki. Volha raskazvaje, što kali ŭsie zachodzili, to pa kraju płoščy praces kursiravali naziralniki, kab delehaty nie zhubilisia i nichto lišni ŭ pamiaškańnie nie trapiŭ. Pry hetym ad ranicy i da 15:00 delehaty siadziać na adnym miescy bieź pierapynku. Abiacany abied sarvaŭsia, bo Alaksandr Łukašenka zaciahnuŭ svaju pramovu.
«Mnohija nie rašajucca vyjści ŭ prybiralniu, tryvajuć. Mnie pašancavała, što siadžu z kraju, tamu mahu pierasoŭvacca svabodna. 50 hramaŭ u bufiecie dapamahli mnie bavić hadziny z dobrym nastrojem i dosyć badziora. U bufiecie była zaŭvažanaja nie adna ja», — raskazvaje Volha.
Volha čakaje vystupaŭ delehataŭ i kankretnych abmierkavańniaŭ, a taksama mahčymaść vystupić samoj.
«Pakul usio abstraktna. Usie kažuć dobryja słovy, žartujuć, ale nijakaj kankretyki. Ja padała zajavu na vystup. Ale mnie mohuć i nie dać słova, bo ŭžo vybilisia z raskładu. Kali ŭ mianie i budzie čas, to try chviliny. Heta vielmi mała, a chočacca skazać šmat. U cełym u mianie atrymaŭsia manałoh na temu hramadska-sacyjalnaj prablematyki i pra narodny dyjałoh.
— Tam niejak fihuruje tema hvałtu ŭ dačynieńni da mirnaha nasielnictva paśla vybaraŭ, jakuju vy raniej aktyŭna padymali ŭ Minharsaviecie?
— Tak, na hetuju temu vystuplu,kali daduć słova. Ale vielmi akuratna i palitkarektna. Zmaharam nie spadabajecca.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski13
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary