U žurnalista Hardzijeviča, jakoha vinavaciać u abrazie Łukašenki, praviali ŭžo treci pieratrus
Karespandent infarmacyjnaha sajta «Pieršy Rehijon» Siarhiej Hardzijevič znachodzicca pad chatnim aryštam z 25 śniežnia, a abvinavačvańnie pavodle artykuła 368 Kryminalnaha kodeksa («Abraza prezidenta») jamu było vystaŭlena ŭ apošni dzień minułaha hoda.
Jak stała viadoma «Biełaruskaj asacyjacyi žurnalistaŭ», 12 lutaha ŭ kvateru žurnalista ŭ Drahičynie znoŭ pryjšli pradstaŭniki siłavych struktur. U vyniku jany zabrali chatni madem i mabilny telefon žonki Siarhieja Hardzijeviča Śviatłany.
Žančyna kaža, što zabrali taksama i novy telefon, jaki byŭ nabyty ŭ rasterminoŭku, i im jašče ŭvohule nie karystalisia. Kali Śviatłana Hardzijevič pasprabavała asprečyć hetyja dziejańni i pakinuć svoj telefon, jaje papiaredzili, što mohuć pryciahnuć da adkaznaści za niepadparadkavańnie milicyi.
Što stałasia nahodaj dla čarhovaha pieratrusu ŭ kvatery drahičynskaha žurnalista, dakładna pakul nieviadoma. 22 lutaha skančajecca termin znachodžańnia Siarhieja Hardzijeviča pad chatnim aryštam. Jon nie daje pakazańniaŭ i nie pryznaje siabie vinavatym u ździajśnieńni złačynstva, u jakim jaho abvinavačvajuć. Pravaabarončaja supolnaść Biełarusi pryznała Siarhieja Hardzijeviča palitviaźniem.
U pieryjad z 22 śniežnia, kali žurnalista «Pieršaha Rehijona» zatrymali z udziełam AMAPa, pa ciapierašni čas telefon Siarhieja Hardzijeviča dvojčy nakiroŭvali na ekśpiertyzu, a 2 lutaha ŭ jaho kvatery prajšoŭ druhi pieratrus.
Darečy, pieratrusy i vymańnie techniki adbylisia i ŭ kaleh žurnalista — redaktara sajta «Pieršy Rehijon» Paŭła Dajlida, u hałoŭnaha redaktara Piatra Huzajeŭskaha i śpiecyjalista rekłamnaha adździeła Volhi Hryckievič.
Pavodle słoŭ advakatki Volhi Aksiucik, jakaja abaraniaje intaresy Siarhieja Hardzijeviča, jana maje namier chadajničać ab źmienie miery strymańnia, bo vidavočna, što da 22 lutaha śledstva pa spravie nie skončycca.
Sprava drahičynskaha žurnalista pieradadzienaja ŭžo čaćviortamu śledčamu.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary