U centry Minska na miescy kacielni pabudavali niezvyčajnuju hadzińnikavuju viežu. Pahladzicie, jak jana vyhladaje FOTA
U kulturna-dziełavym kvartale «K21» kala stancyi mietro «Maładziožnaja» źjaviłasia druhaja hadzińnikavaja vieža. Jana vyhladaje tak, byccam jaje pieranieśli z zamka Chohvarts, viadomym pa suśviecie Hary Potera. Płanujecca, što ŭ joj adkryjecca anhlijskaja kaviarnia, šourum abo nievialikaja piceryja.
Vieža biare svaju historyju z 50-ch hadoŭ minułaha stahodździa i pieršapačatkova była kacielniaj pry cechach. Paźniej karpusy zaniała meblevaja fabryka. Adnak z časam budynki pryjšli ŭ zapuścieńnie: škło patreskałasia, dach paciok, ścieny pačarnieli. U 2019 hodzie ŭčastak vykupiła kampanija «Biełrekanstrukcyja».
Industryjalny anturaž było vyrašana zachavać, udychnuŭšy ŭ jaho sučasny farmat: płoščy addali pad IT-ofisy, kafe, kramy i restarany. Razam z budynkami adnavili i hadzińnikavyja viežy: pieršuju adkryli ŭ minułym hodzie, jana atrymała mianušku «biełaruski Bih-Ben», a druhuju ŭviali ŭ stroj tolki ciapier.
Novaja hadzińnikavaja vieža vyciahnułasia amal na 22 mietra. Jana bietonnaja, a fasad pakryty histaryčnaj cehłaj. A voś konusapadobny kupał u joj novy — padobny da kaŭpaka čaraŭnika i pakryty čarapicaj. Pieršyja dva pavierchi možna vykarystać: 20 «kvadrataŭ» na cokalnym jarusie i 16 — na druhim. Trapić na jaho možna pa źniešniaj mietaličnaj retra-leśvicy.
Pobač ź viežaj, na fasadzie susiedniaha korpusa, zachavaŭsia pavietravod. Jaho stylizavali pad žyrafa i zrabili častkaj łaunž-zony ŭ jakaści śpinki łaŭki i naviesa ad niepahadzi.
Vieža «niby z Chohvartsa» budzie adkryta dla naviedvalnikaŭ. U joj płanujuć adkryć kafe, piceryju ci šourum.
Kulturna-dziełavy kvartał «K21» ŭklučaje 5 budynkaŭ i ŭnutrany dvoryk. Na biahučy momant zapoŭniena bolš za 80% płoščaŭ — u asnoŭnym, ofisami IT-kampanij. Nieŭzabavie taksama płanujecca adkryć šakaładnuju fabryku z kafieteryjem i art-halereju. Uzimku va ŭnutranym dvoryku pracuje biaspłatnaja koŭzanka.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary