Natalli Rajentavaj, što ŭkusiła amapaŭca ŭ tralejbusie, dali vosiem miesiacaŭ kałonii
Sud Centralnaha rajona Minska 25 lutaha vynies prysud pa kryminalnaj spravie pa art. 364 Natalli Rajentavaj. Pry zatrymańni paśla žanočaha maršu 29 žniŭnia jana ŭkusiła supracoŭnika AMAPa za ściahno, paviedamlaje spring96.org.
Sudździa Taćciana Akavitaja pryznała Natallu vinavataj i dała vosiem miesiacaŭ pazbaŭleńnia voli va ŭmovach ahulnaha režymu — prakuror prasiŭ pakarać jaje dvuma hadami pazbaŭleńnia voli.
Čytajcie taksama:
Prakuror prosić dva hady kałonii dla Natalli Rajentavaj, jakaja ŭkusiła siłavika za ściahno ŭ tralejbusie
Svaje maralnyja pakuty paciarpieły supracoŭnik AMAPa rascaniŭ u dźvie tysiačy rubloŭ, bo, pa jaho słovach, heta videa trapiła ŭ sacyjalnyja sietki i ad hetaha paciarpieli jaho blizkija: sud pryznačyŭ spahnać hetuju sumu z Rajentavaj na karyść paciarpiełaha.
Čytajcie taksama:
«Nie było času kazać, čamu zatrymlivajem». Pačaŭsia sud nad dziaŭčynaj, jakaja ŭkusiła amapaŭca
Pakolki termin pakarańnia vyličajecca ad 29 vieraśnia 2020 hoda, joj zastałosia adbyć try miesiacy.
24 lutaha Natalla Rajentava vystupiła z apošnim słovam:
«Vysoki sud, ja pryznaju, što ŭkusiła paciarpiełaha, ale vielmi prašu pryniać da ŭvahi toj fakt, što zrabiła heta nienaŭmysna, u stanie stresu i afiektu, pra što śviedčyć, u tym liku, advolnaje močavypuskańnie. U siłu čaho ja nie mahła vyrazna ŭśviedamlać, što adbyvajecca. Taksama prašu pryniać pad uvahu, što ja nie maju nijakich adnosinaŭ da faktaŭ pahroz paciarpiełamu. Ja nie napisała nivodnaha słova pra heta ŭ internecie, nie dała nivodnaha kamientara miedyja, ničoha nie napisała ni ŭ čatach, ni ŭ telehram-kanałach, ni ŭ kamientarach da čaho-niebudź.
Ja raskajvajusia ŭ tym, što adbyłosia. Ja hatova panieści pakarańnie. Ja vielmi spadziajusia, što heta pakarańnie budzie suraźmierna pravinu. Dziakuj, što vysłuchali mianie».
Rajentavu adpraŭlali na sudova-psichałahičnuju ekśpiertyzu, jakaja pakazała, što padčas ukusu jana ŭ poŭnaj miery ŭśviedamlała svaje dziejańni i nie znachodziłasia ŭ stanie afiektu.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary