U Zachadu jość zacyklenaść na nasadžeńni demakratyi ŭ Biełarusi. Ab hetym zajaviŭ ministr zamiežnych spraŭ Biełarusi Uładzimir Makiej u prahramie «Markaŭ. Ničoha asabistaha» na telekanale ANT.
«Jość niejkaja zacyklenaść na prasoŭvańni, nasadžeńni demakratyi ŭ ich razumieńni hetaha słova. Tak, demakratyja nieabchodnaja. Jość peŭnyja demakratyčnyja normy, jakich nieabchodna prytrymlivacca. Ale vysakarodnyja mety nie pavinny dasiahacca nievysakarodnymi mietadami», — padkreśliŭ Uładzimir Makiej.
«Urešcie rešt my ŭsie pryjdziem da hetaj vysakarodnaj mety. Moža, chtości chutčej, chtości daŭžej. Ale treba ŭličvać raznastajnaść raźvićcia nacyj, nacyjanalnyja psichałahičnyja asablivaści narodaŭ. Dumaju, što adsutnaść razumieńnia hetaha momantu źjaŭlajecca pryčynaj taho, što siońnia jość šerah prablem va ŭzajemaadnosinach Zachadu nie tolki ź Biełaruśsiu, ale i z Rasijaj», — ličyć kiraŭnik MZS.
Kamientary