Sienat paśla 11 hadzin abmierkavańnia pryniaŭ zakonaprajekt ab dapamozie žycharam krainy i ekanomicy, nieŭzabavie pačnucca adnačasovyja vypłaty bolšaści amierykancaŭ u pamiery 1400 dalaraŭ. Z ahulnaj sumy adobranych Sienatam srodkaŭ u abjomie 1,9 tryljona dalaraŭ budzie taksama vydzielena padtrymka vytvorcam i dystrybutaram vakcyn, pieradaje «Hołas Amieryki».
Kančatkovaja viersija zakonaprajekta praduhledžvaje pramyja vypłaty bolšaści amierykanskich padatkapłacielščykaŭ, čyje hadavyja dachody nie pieravyšajuć 80 tysiač dalaraŭ (160 tysiač dalaraŭ dla šlubnych par) pa 1400 dalaraŭ na čałavieka. Na hetyja vydatki płanujecca vydzielić 400 młrd dalaraŭ, a taksama vypłata Fiederalnaj dapamohi pa biespracoŭi ŭ pamiery 300 dalaraŭ na tydzień dla 9,5 młn čałaviek, jakija zastalisia biez pracy. 350 młrd dalaraŭ budzie vydzielena ŭ vyhladzie finansavaj dapamohi ŭradam Štataŭ i miascovym uładam.
Piaćdziesiat sa sta sienataraŭ prahałasavali za pryniaćcie zakonaprajekta, 49 — suprać. Pradstaŭnik Alaski respublikaniec Denieł Salivan byŭ vymušany źjechać z Vašynhtona ŭ piatnicu ŭviečary na pachavańnie. Heta aznačała, što demakraty nie mieli patreby ŭ vyrašalnym hołasie vice-prezidenta Kamały Charys, adznačaje «Hołas Amieryki».
Ahulnaja suma ekanamičnaha stymulavańnia, vydzielenaha Vašynhtonam za apošni hod, dasiahnuła kala 6 tryljonaŭ dalaraŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary