Hiercah Kiembrydžski abaraniŭ karaleŭskuju siamju ad abvinavačvańniaŭ u rasiźmie, vyłučanych hiercaham i hiercahiniaj Sasiekskimi, zajaviŭšy, što «my zusim nie rasisckaja siamja» padčas naviedvańnia škoły va Uschodnim Łondanie.
Prync Uiljam upieršyniu prakamientavaŭ skandalnaje intervju prynca Hary i Miehan Markł. Pra heta paviedamlaje Daily Mail.
U čaćvier, 11 sakavika, hiercah Kiembrydžski razam z žonkaj Kiejt Midłtan upieršyniu źjavilisia na publicy paśla vychadu intervju ŭ efir. Jany naviedvali škołu ŭ Łondanie, kab padtrymać kampaniju pa abaronie mientalnaha zdaroŭja vučniaŭ.
Žurnalisty pacikavilisia ŭ prynca Uiljama, ci razmaŭlaŭ jon z pryncam Hary [paśla taho, jak toj ahučyŭ svaje abvinavačvańni na adras karaleŭskaj siamji]. Hiercah Kiembrydžski adkazaŭ, što pakul nie, ale płanuje. Taksama jon abvierh zajavy pary ab rasiźmie ŭ manaršaj siamji. «Naša siamja naohuł nie rasisckaja», — padkreśliŭ prync Uiljam.
Pavodle źviestak insajdaraŭ, prync Uiljam i Kiejt Midłtan vielmi zasmučanyja abvinavačvańniami prynca Hary i Miehan Markł na adras karaleŭskaj siamji. Prync Uiljam staŭ pieršym členam karaleŭskaj siamji, jaki daŭ publičny kamientar ab intervju.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary