«Dasłali patrabavańnie: Dzimu Baskava pad nož». Łukašenka — pra pazicyju MAK
U subotu paśla «Minskaj łyžni» ŭ Raŭbičach Łukašenka prakamientavaŭ niepryznańnie MAK Viktara Łukašenki kiraŭnikom Nacyjanalnaha alimpijskaha kamiteta Biełarusi.
«Nu, tady pryjdziecca pryznać Alaksandra Łukašenku. Jon ža ŭžo daŭno pryznany. Lepš užo Viktara pryznać, čym pakinuć raniejšaha Łukašenku. Jany navat da hetaha nie dadumalisia, — vykazaŭsia jon. — Dumaju, nam parycca z hetaj nahody absalutna nie treba. U nas jość svaja kraina, i my budziem hetuju palityku budavać tak, jak heta treba».
Taksama Łukašenka zajaviŭ pra niežadańnie MAK bačyć kiraŭnikom Fiederacyi chakieja Biełarusi Dźmitryja Baskava.
«Ja tam «parason» dla hetaj arhanizacyi. Usio było dobra. Potym jany dasłali patrabavańnie napiaredadni: Dzimu Baskava «pad nož», Łukašenka-1, Łukašenka-2 — nie daj boh, my tady sankcyi ŭviadziom. Jašče ničoha nie zrabili, užo sankcyi ŭvodzić. I prapanavali jamu ad baćki admovicca. Heta syn admovicca ad baćki! Nu što pra ich kazać dalej».
8 sakavika MAK abviaściŭ ab padaŭžeńni sankcyj u dačynieńni da NAK Biełarusi. Jon nie pryznaŭ Viktara Łukašenku prezidentam, a Dźmitryja Baskava — členam vykankama.
Taksama MAK nie budzie zaprašać na Alimpijadu vysokapastaŭlenych čynoŭnikaŭ Biełarusi.
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary