Kiraŭnik ES zaklikaŭ Pucina vyzvalić Navalnaha i vykonvać pravy čałavieka
Kiraŭnik Jeŭrarady Šarl Mišel padčas telefonnaj razmovy z prezidentam Rasii Uładzimiram Pucinym vykazaŭ mierkavańnie, što adnosiny ES i RF znachodziacca na nizkim uzroŭni. Pra heta havorycca ŭ zajavie rady ES pa vynikach razmovy, piša TASS.
«Kiraŭniki abmierkavali adnosiny ES i Rasii, — adznačajecca ŭ joj. — Staršynia [Jeŭrarady Šarl] Mišel vykazaŭ mierkavańnie, što adnosiny ES i Rasii znachodziacca na nizkim uzroŭni, i paćvierdziŭ padychod ES [da Rasii] pa piaci kirujučych pryncypach, zasnavanych na asnoŭnych kaštoŭnaściach ES».
«Piać kiroŭnych pryncypaŭ» uklučajuć u siabie, u pryvatnaści, vykanańnie minskich pahadnieńniaŭ u pytańni situacyi na ŭschodzie Ukrainy, ustalavańnie ciesnych kantaktaŭ ES z krainami SND, supraćdziejańnie Maskvie pry vybaračnym supracoŭnictvie ź joj pa niekatorych pytańniach.
U zajavie Jeŭrapiejskaj rady taksama havorycca, što «ciapier u mnohich halinach isnujuć roznahałośsi» pamiž Rasijaj i ES. Pry hetym «inšy kirunak» u adnosinach bakoŭ, ličać u Bruseli, mahčymy tolki pry «ŭstojlivym prahresie «ŭ vykanańni Minskich pahadnieńniaŭ i «pavazie pravoŭ čałavieka». U hetym kantekście, adznačajecca ŭ zajavie, «Šarl Mišel paŭtaryŭ zaklik ES da rasijskich uładaŭ vyzvalić spadara Navalnaha».
Čytajcie taksama: Pucin abmierkavaŭ z kiraŭnikom ES «Sputnik V», Danbas i Biełaruś
Ciapier čytajuć
Andrej Švied, architektar represij, pryznačany staršynioj Viarchoŭnaha suda4
Kamientary