Кіраўнік ЕС заклікаў Пуціна вызваліць Навальнага і выконваць правы чалавека
Кіраўнік Еўрарады Шарль Мішэль падчас тэлефоннай размовы з прэзідэнтам Расіі Уладзімірам Пуціным выказаў меркаванне, што адносіны ЕС і РФ знаходзяцца на нізкім узроўні. Пра гэта гаворыцца ў заяве рады ЕС па выніках размовы, піша ТАСС.
«Кіраўнікі абмеркавалі адносіны ЕС і Расіі, — адзначаецца ў ёй. — Старшыня [Еўрарады Шарль] Мішэль выказаў меркаванне, што адносіны ЕС і Расіі знаходзяцца на нізкім узроўні, і пацвердзіў падыход ЕС [да Расіі] па пяці кіруючых прынцыпах, заснаваных на асноўных каштоўнасцях ЕС».
«Пяць кіроўных прынцыпаў» уключаюць у сябе, у прыватнасці, выкананне мінскіх пагадненняў у пытанні сітуацыі на ўсходзе Украіны, усталяванне цесных кантактаў ЕС з краінамі СНД, супрацьдзеянне Маскве пры выбарачным супрацоўніцтве з ёй па некаторых пытаннях.
У заяве Еўрапейскай рады таксама гаворыцца, што «цяпер у многіх галінах існуюць рознагалоссі» паміж Расіяй і ЕС. Пры гэтым «іншы кірунак» у адносінах бакоў, лічаць у Брусэлі, магчымы толькі пры «ўстойлівым прагрэсе «ў выкананні Мінскіх пагадненняў і «павазе правоў чалавека». У гэтым кантэксце, адзначаецца ў заяве, «Шарль Мішэль паўтарыў заклік ЕС да расійскіх уладаў вызваліць спадара Навальнага».
Чытайце таксама: Пуцін абмеркаваў з кіраўніком ЕС «Спутнік V», Данбас і Беларусь
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока3
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары