Jašče ŭ studzieni ŭ hałoŭnaha treniera zbornaj Biełarusi pa frystajle byŭ dyjahnastavany karanavirus.
— Ščyra kažučy, nie dumaŭ, što z-za karanavirusa možna patrapić u balnicu až na dva miesiacy, — raskazaŭ Mikałaj Ivanavič «Narodnaj voli». — Ale fakt zastajecca faktam — mienavita stolki mnie daviałosia pralažać u balničnaj pałacie. Vielmi ciažka praciakała hetaja kavidnaja pnieŭmanija.
— Ciapier prachodzicie reabilitacyju?
— Zaraz ja znachodžusia ŭžo ŭ terapieŭtyčnym adździaleńni, mnie robiać roznyja pracedury. Nastupstvy ad karanavirusa majucca — i davoli surjoznyja. Adnaŭleńnie prachodzić składana, tamu reabilitacyja, mabyć, tolki pačynajecca. I, dumaju, budzie praciahvacca dastatkova doŭha.
— U balnicy ŭdavałasia sačyć za vystupleńniami zbornaj Biełarusi pa frystajle? Darečy, na niadaŭnim čempijanacie śvietu našy mužčyny-frystajlisty pakazali horšy za apošnija 30 hadoŭ vynik, a kamanda naohuł zastałasia bieź miedaloŭ…
— Sačyŭ, biezumoŭna, i, na žal, kazać pakul niama pra što. Tut patrebny analiz i viedańnie taho, što adbyvałasia ŭnutry kamandy.
— Mnohija takoje niaŭdałaje vystupleńnie źviazvajuć z vašaj adsutnaściu ŭ zbornaj…
— Mahčyma, nie biez hetaha, chacia nasamreč ciažka mierkavać. Ale było bačna, što napracoŭki ŭ zbornaj byli dobryja, ale da hałoŭnaha startu kamanda padyšła ŭ razvalenym stanie.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary