Pazbaŭleny rehistracyi pravaabarončy centr «Viasna» paviedamiŭ ab zatrymańni 10 čałaviek u Navahradku, jakija pryjšli na ekskursiju, miascovy rabotnik muzieja ŭdakładniaje: u milicyju zabrali kala 14-15 čałaviek, piša Tut.by.
— Jany pryjšli ŭ muziej, apłacili ekskursiju pa horadzie — chacieli pasłuchać historyju navahrudskich tataraŭ. A druhoj hadzinie supracoŭnica muzieja Anastasija Hryckievič vyjšła da hrupy na płošču, ale joj nie dali navat pačać ekskursiju. Hrupu akružyła milicyja, — raspaviadaje jaje kaleha, supracoŭnica Navahrudskaha historyka-krajaznaŭčaha muzieja.
Hetaja hrupa ludziej zvyčajna prychodzić na ekskursiju pa niadzielach, ale ŭ hety zamovili pasłuhu na subotu, kažuć u muziei, udakładniŭšy, što ŭdzielniki hrupy nie machali ściahami i nie byli nijak paznačanyja.
— Ekskursavoda nie zabrali. Jana praź niekalki chvilin [paśla vychadu da hrupy] pryjšła ŭ muziej, paprasiła kasira viarnuć hrošy, bo ekskursija nie adbyłasia, adniesła ich hrupie. Ludziej niejki čas trymali na płoščy, pakul im nie viarnuli hrošy za ekskursiju, a potym pavieźli ŭ RAUS.
Praź niekalki hadzin niekatorych zatrymanych pačali adpuskać. Pavodle źviestak na 18-ju hadzinu, ź milicyi vyjšli jak minimum čaćviora miascovych žycharoŭ. Viadoma, što na ŭdzielnikaŭ ekskursii składali pratakoły apytańnia asob, padazravanych u ździajśnieńni administracyjnaha parušeńnia.
Kamientary