Supracoŭniki zavoda amierykanskaj kampanii Johnson & Johnson u Bałtymory niekalki tydniaŭ tamu dapuścili pamyłku pry źmiešvańni inhredyjentaŭ vakcyny ad karanavirusa, što pryviało da straty 15 młn doz preparata, paviedamlaje hazieta The New York Times.
Pra stratu 15 młn doz preparata praz vytvorčuju pamyłku na zavodzie ŭ Bałtymory taksama piša Bloomberg sa spasyłkaj na krynicy. Pavodle ahienctva, incydent adbyŭsia na pradpryjemstvie Emergent BioSolutions Inc, jakoje jašče nie było siertyfikavana Upraŭleńniem pa pytańniach jakaści charčavańnia i miedykamientaŭ (FDA) dla vytvorčaści vakcyny Johnson & Johnson.
U Johnson & Johnson zajavili, što partyja lekavaha rečyva nie prajšła pravierku jakaści. «Padčas pracesu kantrolu jakaści na pradpryjemstvie Emergent BioSolutions była vyjaŭlenaja adna partyja lekavaj substancyi, jakaja nie adpaviadała standartam», — paviedamiŭ pradstaŭnik kampanii Džejk Sardžent.
Jak piša NYT, FDA pravodzić pravierku zavoda. Usie partyi vakcyny kampanii, jakija ŭžo pastupili ŭ miedycynskija ŭstanovy ZŠA, biaśpiečnyja, bo byli zrobleny na mahutnaściach Johnson & Johnson u Niderłandach, adnak nastupnyja partyi preparata płanavałasia nakiroŭvać z zavoda ŭ Bałtymory, što pryviadzie da zatrymki pastavak z-za prastoju ŭ suviazi z pravierkaj, adznačaje hazieta.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary