Były kiraŭnik štaba Čeračnia pakinuŭ Biełaruś — paśla dopytaŭ pa čatyroch kryminalnych spravach
Siabra Biełaruskaj sacyjał-demakratyčnaj Hramady i były kiraŭnik štabu kandydata ŭ prezydenty Siarhieja Čeračnia Mikałaj Łysiankoŭ raskazaŭ «Svabodzie», jak vymušana pakinuŭ krainu paśla zaviadzieńnia čatyroch kryminalnych spraŭ.
Mikałaj Łysiankoŭ — biznesoviec i palityčny dziejač sa Stoŭpcaŭ. Padčas prezydenckaj kampanii ŭznačalvaŭ štab Siarhieja Čeračnia. Siońnia eks-kandydat zajmajecca zbolšaha kamentavańniem padziej u krainie praz svaje telehram-kanały i jutub.
U nievialikim horadzie, što za 70 kilametraŭ ad Miensku, uletku i ŭvosień burliła palityčnaje žyćcio. Tysiačy žycharoŭ Stoŭpcaŭ tydniami vychodzili na akcyi pratestu. Paśla pačatku chvali represij pratesty źmianili formu. U horadzie i rajonie dahetul vyviešvajuć bieł-čyrvona-biełyja ściahi, pravodziać nievialikija akcyi, dapamahajuć paciarpiełym ad represij.
Mikałaj, aprača palityčnaj dziejnaści, administruje papularnyja ŭ rajonie miascovyja telehram-kanały, vajber-čat «Stołbcy RAZAM» i jutub-kanał, na jakija padpisanyja tysiačy ludziej. Mienavita hetyja kanały, a nie partyjnaja dziejnaść Łysiankova, zacikavili siłavikoŭ.
«U lutym byŭ taki tydzień, što mianie ažno čatyry razy dapytali pa čatyroch kryminalnych spravach. I Śledčy kamitet cikaviŭsia mnoju, i HUBAZiK vobšuk pravodziŭ. Usio zvodzili da taho, što ŭ horadzie adbyvajucca roznyja złačynstvy, a pryčyna, maŭlaŭ, u tym, što ludzi nahladziacca maich videa, pačytajuć TH-kanały i iduć usio heta rabić. I byli namioki, što 25 sakavika ja budu ŭ «biaśpiecy ad hramadztva», maŭlaŭ, jany mianie prytrymajuć. Adna sprava — na sutki, ja tam užo byŭ, a što, kali na hady? I tamu ja vyrašyŭ vyjechać».
Ź siaredziny sakavika Mikałaj u Polščy, u horadzie Ŭrocłavie. Jak tolki jon vyjechaŭ, jaho pačaŭ šukać Śledčy kamitet. Vyklikali žonku.
«Ja im pazvaniŭ i patłumačyŭ, što moj telefon nie adklučany, kab zvanili pa tym ža numary, što i raniej, i budziem havaryć. Nie, kažuć, treba, kab vy pryjechali ŭžyvuju. A ŭ čym prablema dapytać praz vajber? Heta ž tyja samyja pytańni. Ja vyrašyŭ pakul zastacca tut. Možna, viadoma, viarnucca, ale dziela čaho? Kab prynieści sakralnuju achviaru?»
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii3
Kamientary