Najbujniejšy biełaruski bank AAT «AAB «Biełarusbank» płanuje nabyć u Maskvie rasijski bank.
Pra heta 18 červienia ŭ Minsku paviedamiŭ žurnalistam namieśnik staršyni praŭleńnia «Biełarusbanka» Hienadź Haspadaryk.
Pavodle jaho słoŭ, ciapier iduć pieramovy, analizujecca situacyja i finansavy stan banka, tamu kazać pra kankretnyja terminy i sumy ździełki dačasna. Razam z tym, zaznačyŭ Haspadaryk, suma moža skłaści nie mienš jak 5 młn. dalaraŭ.
«Hetaha dastatkova dla taho, kab uvajści na hety rynak i atrymać płacdarm. Heta moža być tolki płatformaj dla dalejšaj ekspansii na rasijski rynak», — padkreśliŭ Haspadaryk.
«U nas jość napracoŭki, kab zaklučyć dahavor z rasijskaj fondavaj biržaj. Naŭprost tam my pracavać nie možam, nam patrebny daččyny bank, jaki budzie mieć nieabchodnuju licenziju», — rastłumačyŭ pradstaŭnik «Biełarusbanka».
Pry hetym jon zaznačyŭ, što «Biełarusbank» chacieŭ by atrymać bank sa 100‑pracentnym udziełam u kapitale, ale jość taksama napracoŭki pa stvareńni sumiesnaha pradpryjemstva z udziełam rasijskaha i karejskaha kapitału.
Haspadaryk rastłumačyŭ, što metaj kupli banka źjaŭlajecca akazańnie padtrymki biełaruskim tavaravytvorcam, jakija pastaŭlajuć svaju pradukcyju na rasijski rynak.
«My vyvučali patrebnaści biełaruskich pradpryjemstvaŭ, handlovych damoŭ, jakija znachodziacca ŭ Rasii. Im nieabchodny taki bank. Aprača taho, mnohija hramadzianie ŭ Rasii zacikaŭleny ŭ tym, kab davieryć svaje źbieražeńni biełaruskamu banku», — skazaŭ pradstaŭnik kiraŭnictva «Biełarusbanka».
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary