Karaleva Brytanii Lizavieta II napiaredadni pachavańnia svajho muža, hiercaha Edynburhskaha, ź jakim jana pražyła 73 hady, padzialiłasia adnoj sa svaich lubimych fatahrafij ź im, paviedamlaje Bi-bi-si.
Na fatahrafii karaleŭskaja para adpačyvaje na travie ŭ Abierdynšyry ŭ Šatłandyi.
Fota zroblena hrafiniaj Uesiekskaj Safi ŭ 2003 hodzie. Hiercah adkinuŭsia nazad, prypadniaŭšysia na łokci, jaho kapialuš lažyć na kalenie. Karaleva ŭ kletčataj spadnicy, błuzcy, kardyhanie, na šyi ŭ jaje nitka žemčuhu.
Pachavańnie hiercaha Edynburhskaha adbudziecca ŭ Vindzorskim zamku siońnia ŭ 15:00 pa brytanskim časie (17:00 pa Minsku). Jon pražyŭ amal 100 hod, nie dažyŭšy da jubileju dva miesiacy.
Padčas šeścia za jaho katafałkam buduć iści dzieci hiercaha.
Na fatahrafii, zroblenaj u soniečny dzień u Kojłs-de-Mjuik niedaloka ad abierdynšarskaha haradka Bałater, karaleva i prync Filip vyhladajuć niazmušana, ciopła ŭśmichajučysia svajoj niaviestcy Safi, jakaja zrabiła zdymak.
Kojłs-de-Mjuik znachodzicca niedaloka ad pryvatnaj siadziby karalevy Bałmarał, dzie para zvyčajna pravodziła letni adpačynak.
Kamientary