Adnaho z bratoŭ, zatrymanych paśla Dnia Voli, tak i nie adpuścili paśla sutak. Jon na Vaładarcy
27 sakavika zatrymali bratoŭ Siarhieja i Ivana Brusavych — jany sfatahrafavali kałonu vajskovaj techniki, za što atrymali pratakoły i 30 sutak. Ale praź miesiac na volu vyjšaŭ tolki adzin ź ich.
Siarhiej Brusaŭ užo na voli. Jon paviedamiŭ «Našaj Nivie», što paśla adbyćcia pakarańnia jaho brat Ivan nie vyjšaŭ, bo byŭ zatrymany ŭ miežach kryminalnaj spravy. Status brata i inšych padrabiaznaściaŭ Siarhiej nie viedaje.
«Viedaju tolki, što jon u SIZA na Vaładarcy. Za što jon tam — infarmacyi nie maju».
Nahadajem, braty Siarhiej i Ivan Brusavy 27 sakavika viartalisia dadomu pa praśpiekcie Niezaležnaści. Mima prajazdžała vajskovaja technika, jakuju jany vyrašyli sfatahrafavać. Sudu Ivan rastłumačyŭ, što techniku jany zdymali, bo jana im spadabałasia. Fatahrafavańnie zaŭvažyli supracoŭniki milicyi i zatrymali chłopcaŭ, paviedamlajuć pravaabaroncy.
U Pieršamajskim RUUSie na bratoŭ skłali adrazu pa dva pratakoły: pa art. 24.23 i 24.3 KaAP — heta «mitynh» i «niepadparadkavańnie».
Na sudzie braty prasili nie karać ich sutkami, bo ich maci niadaŭna pieraniesła insult, joj patrabujecca dapamoha. Vyrak sudździ Maksima Trusieviča — pa 30 sutak kožnamu.
Mama bratoŭ raspaviała, što jany abodva zarablajuć na žyćcio chałturami, padpracoŭvajuć u pryvatnikaŭ. Abodva raźviedzienyja, abodva majuć sudzimaści za bojki. Pa słovach maci, Brusavy palitykaj asabliva nie cikavilisia, u mitynhach i akcyjach nie ŭdzielničali. Raniej za ŭdzieł u niesankcyjanavanych mierapryjemstvach bratoŭ nie zatrymlivali.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary