U Minzdaroŭi raspaviali, jak adnosna biaśpiečna schadzić na Vialikdzień u carkvu
Paślazaŭtra, 2 maja, pravasłaŭnyja buduć adznačać Vialikdzień. Zvyčajna ŭ subotu i niadzielu ŭ chramach šmat narodu. U subotu, naprykład, ludzi iduć aśviačać ježu.
U Minzdaroŭi rajać, u vypadku kašalu, nasmarku, pavyšanaj tempieratury i inšych simptomaŭ zachvorvańnia admovicca ad prysutnaści na słužbie i ŭvohule naviedvańnia chrama.
U vypadku ž naviedvańnia carkvy trymacca dystancyi 1-,1,5 mietra, być u maskach.
Śviataram i rabotnikam carkvy važna pravodzić vilhotnuju pryborku pamiaškańniaŭ, u tym liku z užyvańniem srodkaŭ dezinfiekcyi.
Akcent treba rabić na apracoŭcy kantaktnych pavierchniaŭ: dźviarnych ručak, parenčaŭ, mebli ahulnaha karystańnia, miescaŭ dla napisańnia zapisak, skrynak i h.d.
Taksama rekamiendujecca apracoŭvać dezsrodkami ikony ŭ chramie, da jakich prykładvajucca prychadžanie, ale samim naviednikam pa mahčymaści ŭstrymacca ad prykładańnia da ich, zamianiŭšy heta pakłonam.
Rekamiendujecca taksama abmiežavać kolkaść naviedvalnikaŭ (nie bolš za 50% ad zapaŭnialnaści) abo arhanizavać aŭdyjo-, videatranślacyi nabaženstvaŭ.
Kamientary