Viarchoŭny sud pakinuŭ u sile śmiarotny prysud za zabojstva piensijanieraŭ
Kalehija pa kryminalnych spravach VS pakinuła apielacyjnuju skarhu biez zadavalnieńnia. Valancin Bušnin asudžany da 18 hadoŭ pazbaŭleńnia voli, Vital Miaciež — da 22 hadoŭ pazbaŭleńnia voli, a Viktar Skrundzik — da rasstrełu, paviedamlajuć pravaabaroncy.
U Viktara Skrundzika zastajecca mahčymaść napisać chadatajnictva ab pamiłavańni na imia prezidenta.
Nahadajem, Valancina Bušnina, Vitala Miacieža i Viktara Skrundzika zatrymali ŭ lutym 2019 hoda.
Za niekalki miesiacaŭ da hetaha Viktar Skrundzik vyjšaŭ na volu paśla čarhovaj adsidki. Trochi pabadziaŭšysia pa svajakach, jon pačaŭ rabavać piensijanieraŭ. A ŭ paplečniki braŭ bojfrendaŭ svaich siaścior: Vital Miaciež — sužyciel rodnaj siastry Skrundzika, Valancin Bušnin — sužyciel stryječnaj siastry.
Skrundzik zabiŭ dvaich piensijanieraŭ — adnaho ŭ vioscy Uljanaŭka, druhoha ŭ susiednich Suchoŭčycach. Paśla jon napaŭ jašče na adnu piensijanierku ŭ Suchoŭčycach, ale jana vyžyła.
Mienavita praź jaje pakazańni stała viadoma pra zabojstva 79-hadovaha Michaiła Šuhaleja ŭ Suchoŭčycach. Raniej śledčyja ličyli, što dzied zhareŭ praz prablemy z hrubkaj, ale vyśvietliłasia, što heta Skrundzik padpaliŭ jaho dom. Pra heta ahavaryŭsia sam Skrundzik: padčas źbićcia piensijanierki jon skazaŭ: «Addavaj hrošy, ci budzie tabie toje ž, što i Šuhaleju!»
Na sudzie prakuror paprasiŭ rasstralać Viktara Skrundzika, Vitala Miacieža adpravić na 22 hady ŭ kałoniju ŭzmocnienaha režymu, a Valancina Bušnina — pasadzić na 18 hadoŭ. Taki vyrak sud i vynies.
«Paśla hetych zabojstvaŭ usich starych, chto adzin žyŭ, dzieci pazabirali. Strašna»
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary