Staršynia Palitbiuro CHAMAS Chaled Mašaal paviedamiŭ, što paleścinski ruch hatovy da pieramirja ź Izrailem.
Pra heta paviedamlaje RBK pa spasyłkaj na The Times of Israel.
Pavodle jaho słoŭ, niahledziačy na hatoŭnaść CHAMAS da spynieńnia ahniu, kiraŭnictva Izraila pakul nijak nie adreahavała na hetuju prapanovu.
U svaju čarhu, pradstaŭnik Biełaha doma Džen Psaki na fonie abvastreńnia paleścina-izrailskaha kanfliktu zajaviła, što ŭ Izraila jość prava na samaabaronu. Jana adznačyła, što ZŠA pa-raniejšamu buduć fakusiravać svaje namahańni na tym, kab, «zadziejničaŭšy ŭsie dastupnyja ryčahi ŭpłyvu, damahacca deeskałacyi napružanaści ŭ situacyi».
Pa jaje słovach, Vašynhton ličyć, što rakietnyja ataki z boku paleścinskaha ruchu CHAMAS pa Izraili «nie majuć apraŭdańnia».
***
Abvastreńnie kanfliktu pačałosia ŭ pačatku maja z pratestaŭ va Uschodnim Ijerusalimie z-za vysialeńnia niekalkich arabskich siemjaŭ. Tady adbylisia sutyknieńni ź izrailskaj palicyjaj. 10 maja bajcy CHAMAS pačali masiravany abstreł Izraila, rakiety byli nakiravanyja ŭ tym liku ŭ bok Tel-Aviva i aeraporta Ben-Huryjon.
14 maja bajeviki ź siektara Haza praciahnuli vieści rakietnyja abstreły izrailskaj terytoryi. Armija abarony Izraila zafiksavała 220 vypuščanych rakiet. U svaju čarhu, izrailskaja armija ŭ noč na 14 maja praviała najbujniejšy za čas abvastreńnia kanfliktu abstreł terytoryi siektara Haza. Za 40 chvilin byli śbity 150 celaŭ u paŭnočnaj častcy siektara. U atacy ŭdzielničali 160 samalotaŭ, artyleryja i tanki, jakija viali abstreł praź miažu. Metaj napadu była sietka tunelaŭ, jakuju bajeviki CHAMAS vykarystoŭvajuć dla pieramiaščeńnia i schovišča.
Kamientary