11 i 12 sutak. Prajšli pieršyja sudy nad zatrymanymi ravarystami na Cnianskim vadaschoviščy
Kala 17:50 u niadzielu na Cnianskim vadaschoviščy ŭ Minsku zatrymali hrupu ravarystaŭ — bolš za 10 čałaviek.
Viadoma, što ludziej na čatyroch mikraaŭtobusach pavieźli ŭ Savieckaje RUUS «dla vyśviatleńnia».
Zatrymanyja — udzielniki MINSK FIXED GEAR. Učora ŭ hetym miescy pavinien byŭ adbycca Toure de Tsna. Viadoma, što adzin čałaviek byŭ zatrymany za majku «AntyŁukašenka».
Siońnia na sudzie paviedamili, što ŭsich zatrymanych abvinavačvajuć «va ŭdziele ŭ niesankcyjanavanym masavym mierapryjemstvie šlacham vykrykvańnia łozunhu «Žyvie Biełaruś». Na ŭsich ravarystaŭ skłali pratakoły pa art. 24.23 KaAP, paviedamlajuć pravaabaroncy.
Sudździa Savieckaha suda Siarhiej Šaciła 17 maja razhladzieŭ spravy 20-hadovaha Bachcijara Muratava i 18-hadovaha Ramana Łapiča.
Svaju vinu chłopcy nie pryznali. Pa słovach Łapiča, spačatku da ich pryjechaŭ adzin bus i zatrymali chłopca ŭ majcy. Tady astatnija ŭdzielniki spytali ŭ supracoŭnikaŭ AMAPa, ci mohuć jany tut zastacca. Supracoŭniki dazvolili, a sami źjechali. Praz 20 chvilin jany viarnulisia, ahledzieli sumki i zapisali źviestki ravarystaŭ. Ale potym pryjechali jašče busy i ŭsich ravarystaŭ zatrymali. Bachcijar taksama paćvierdziŭ, što nijakaj simvoliki nie było, a łozunhaŭ jany nie vykrykvali.
U vyniku, sudździa Šaciła aryštavaŭ Bachcijara Muratava na 11 sutak, a Ramana Łapiča — na 12 sutak. Rovary chłopcaŭ aryštavanyja.
Čakajucca sudy nad astatnimi ravarystami.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary