Pra heta zajaviŭ žurnalistam kiraŭnik centra infarmacyi KDB Biełarusi Valery Nadtačajeŭ.
Pra heta zajaviŭ žurnalistam kiraŭnik centra infarmacyi KDB Biełarusi Valery Nadtačajeŭ.
Pavodle jaho słovaŭ, abjom niezakonnych pastavak chimičnaj syraviny dla narkavytvorčaści, jakija iduć z Rasii praź Biełaruś u Polšču, pavialičyŭsia za apošni hod u 7 razoŭ.
«Mižnarodny narkabiźnies aktyŭna karystajecca vyhodnym hieahrafičnym miescaznachodžańniem Biełarusi i jaje adkrytymi miežami z Rasijaj».
Jon taksama dadaŭ, što apošnim časam istotna ŭzrasła kantrabanda sintetyčnych narkotykaŭ z Polščy i krain Bałtyi ŭ Biełaruś.
Na miežach z Polščaj i krainami Bałtyi kantralavać situacyju Biełarusi ŭdajecca bolš pilna, i ŭsio ž kantrabandysty znachodziać šlachi praz pamiežnyja lasy ci bałoty, časam navat z dapamohaj miascovych žycharoŭ, jakija zacikaŭlenyja ŭ dadatkovych dachodach.
Jak zajaviŭ Nadtačajeŭ,
«Polšča pastupova pieratvarajecca ŭ adzin z suśvietnych lideraŭ pa vytvorčaści sintetyčnych narkotykaŭ.
Tym časam u rehijonie dziejničajuć šmat mižnacyjanalnych arhanizavanych złačynnych hrupovak, u jakija ŭvachodziać hramadzianie Polščy, Biełarusi, Rasii, Ukrainy i krain Bałtyi».
Pavodle Nadtačajeva, narkarynak u Biełarusi ciapier zabiaśpiečvajuć drobnyja narkadylery. Letaś u krainie byli raspačatyja 122 kryminalnyja spravy ŭ suviazi z kantrabandaj narkotykaŭ. Byli asudžanyja 67 čałaviek, kanfiskavana amal 20 kilahramaŭ narkatyčnych i psichatropnych rečyvaŭ.
Kamientary