«Što možna skazać pra adnosiny Biełarusi i Rasii? Napeŭna, niama ŭ śviecie takich anałahaŭ, kab było takoje jadnańnie pamiž narodami, dobrasusiedstva, siabroŭstva, braterstva, — zajaviła staršynia Savieta Respubliki Natalla Kačanava padčas sustrečy z pasłom Rasii ŭ Biełarusi Jaŭhienam Łukjanavym, pieradaje BiełTA.
— Usio toje, što charaktaryzuje vielmi blizkich i dobrych siabroŭ. Ź inšaha boku, viadoma, niama miažy daskanałaści».
Śpikier padkreśliła, što Biełaruś vielmi vysoka cenić toj palityčny dyjałoh, jaki składvajecca «pamiž našymi krainami i prezidentami». Natalla Kačanava vykazała padziaku Rasii za padtrymku ŭ baraćbie z COVID-19. «Toje, što siońnia ŭ nas jość vakcyna i my možam pryvivać našych ludziej, - heta darahoha varta. Siońnia my raźvivajem vakcynu. U bližejšy čas spadziajemsia, što budziem jaje vypuskać», - upeŭnienaja staršynia Savieta Respubliki.
Pasoł RF vykazaŭsia pra mižnarodnyja adnosiny: «Nie prymajuć nas, słavian. I ja kažu nie pra našu zahadkavuju ruskuju dušu. Ci jašče niešta. My na samaj spravie vielmi prostyja. My pryznajem, kali da nas pa-dobramu, pa-tavarysku. Kali heta družba i padtrymka. Ale kali heta ŭsio praz hubu abo praz kalena. Kali nam pakazvajuć, maŭlaŭ, vy spačatku ŭmovy vykanajcie, a potym my vas pa hałoŭcy pahładzim — hety pieryjad u najnoŭšaj rasijskaj historyi my ŭžo prajšli. Nam nie treba abvastreńnie, sankcyi, unutrany cisk i ŭsio astatniaje», — adznačyŭ Łukjanaŭ.
Kamientary