Chalezin: ES rychtuje piaty pakiet sankcyj na vypadak paharšeńnia situacyi ŭ Biełarusi
Mikałaj Chalezin u svaim telehram-kanale napisaŭ, što ES rychtuje piaty pakiet sankcyj suprać aficyjnaha Minska.
Pavodle jaho słoŭ, jaho prymuć u pačatku lipienia.
Raniej jeŭrapiejcy dapuskali ŭzmacnieńnie sankcyj u vypadku, kali situacyja z pravami čałavieka ŭ Biełarusi budzie horšać. Ekśpierty taksama dapuskajuć mahčymaść reakcyi ES u adkaz na niesiabroŭskija kroki Minska abo eskałacyju napružanaści.
Učora MZS Biełarusi zajaviŭ ab prypynieńni siabroŭstva Biełarusi ŭ prahramie «Uschodniaje partniorstva» — płatformy supracy krain Jeŭrasajuza i ich uschodnich susiedak. Učora ž Minsk zajaviŭ ab prypynieńni dziejańnia damovy ab readmisii mihrantaŭ, jakaja była ŭmovaj dla palahčeńnia vizavaha režymu. U Jeŭropie hetyja kroki nazvali skiravanymi na samaizalacyju i eskałacyju.
Unutry ž Biełarusi praciahvaje raści kolkaść palitźniavolenych — mnohija ŭ Jeŭropie ličać ich zakładnikami, uziatymi dla handlu z Zachadam. Akramia taho, praktyčna luby praktyčny pratest ciapier karajecca. Tym časam dziaržaŭnaja prapahanda razharnuła jarasnuju antyzachodniuju kampaniju. Demakratyčnyja i pravavyja krainy Jeŭrasajuza i ZŠA ŭ joj pryraŭnoŭvajucca da nacysckaj Niamieččyny.
Akramia taho, prymajucca ŭsio novyja zakanadaŭčyja akty, jakija rasceńvajucca pravaabaroncami jak represiŭnyja.
Na siońnia pravaabaroncam viadomy 1304 fihuranty kryminalnych spraŭ palityčnaha charaktaru, pad śledstvam abo ŭžo asudžany (+201 u paraŭnańni z 1 maja). Hetaja ličba niapoŭnaja, bo pry takim maštabie vałanciory i ŚMI niazdolnyja daviedacca pra ŭsie imiony.
Viadoma pra 792 źniavolenych pa kryminalnych spravach palityčnaha charaktaru (+239, było ich 553 pa stanie na 1 maja). 520 ź ich pravaabaroncy pa vynikach detalovaha vyvučeńnia spraŭ užo pryznali palitviaźniami (+159, pa stanie na 1 maja było 361).
Usiaho za maj pravabaroncy zafiksavali 332 palityčna matyvavanyja zatrymańni (u krasaviku takich było 304).
«Pravavy defołt pierajšoŭ u katastrofu», — tak kamientavaŭ situacyju adzin ź biełaruskich pravaabaroncaŭ.
U toj ža čas aficyjny Minsk abvinavačvaje krainy Zachadu va ŭmiašańni va ŭnutranyja spravy Biełarusi i viadzieńni suprać krainy hibrydnaj vajny šlacham ekanamičnych sankcyj. Za hetym Minsk uhledžvaje namier źmianić uładu ŭ krainie.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary