2 žniŭnia praciahnuŭsia razhlad kryminalnaj spravy suprać palitźniavolenaha žychara «Płoščy Pieramienaŭ» Ściapana Łatypava.
29 lipienia paśla abiedu i 30 lipienia praces nie adbyŭsia pa pryčynie drennaha stanu zdaroŭja palitviaźnia. Siońnia sud praciahvaje vyvučać piśmovyja materyjały spravy, usie 12 tamoŭ.
Na sudzie taksama ahučvajuć stenahramy telefonnych razmovaŭ palitviaźnia, jakija byli atrymanyja padčas prasłuchoŭki, jakuju śpiecsłužby viali z červienia 2020 hoda, paviedamlaje spring96.org. Zatrymali Ściapana, nahadajem, 15 vieraśnia.
Advakatka na sudzie źviarnuła ŭvahu, što dakumienty, jakija ahučvajucca, pracesualna nie aformlenyja naležnym čynam — u ich niama nazvy, jany nie źjaŭlajucca pratakołami. Ale sudździa skazaŭ, kab advakatka ahučyła heta ŭ sprečkach bakoŭ.
Siońnia na sudzie taksama płanavałasia praciahnuć dopyt śviedak, ale na sud jany nie źjavilisia.
Nie pryjšoŭ na pasiadžeńnie pradstaŭnik upraŭleńnia pa sielskaj haspadarcy Barysaŭskaha rajona. Pa začytanych u sudzie pakazańniach, jakija jon davaŭ padčas śledstva, jon truciŭ barščeŭnik u 2019-2020 hadach, pretenzij da arhanizacyi Łatypava ŭ jaho nie było.
Taksama na sudzie płanavali dapytać načalnika dobraŭparadkavańnia ŭčastka Mazyrskaha MPZ Kasabuckaha. Zhodna ź jaho pakazańniami śledčamu, 10 sakavika 2020 hoda jany zaklučyli damovu z arhanizacyjaj Łatypava, ale jana nie była vykananaja, bo ŭ jaho paŭstali sumnievy z nahody sapraŭdnaści pradstaŭlenych dakumientaŭ, siertyfikataŭ na srodki — na ŭpakoŭkach ubačyŭ ijerohlify. Ale z nahody hetaha ŭ sud nie źviartaŭsia.
Taksama siońnia na sudzie nie atrymałasia dapytać maci Ściapana Łarysu. Jana raniej pracavała ŭ arhanizacyi syna kapirajtarkaj i markietołaham. Ciapier jana žyvie ŭ Lachavičach. Nie źjaviłasia ŭ sud pa pryčynie niezdavalniajučaha zdaroŭja i addalenaści znachodžańnia.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary