U sudzie Frunzienskaha rajona 10 žniŭnia razhledzieli spravu 41-hadovaha Dźmitryja Bubienki. Jaho zatrymali ŭviečary 9 žniŭnia doma za «niesankcyjanavanaje pikietavańnie šlacham raźmiaščeńnia biełaha arkuša papiery na aknie», pišuć pravaabaroncy.
Dźmitryj rastłumačyŭ sudździ Natalli Buhuk, što na voknach visiać dziciačyja malunki, jakija paviesili amal čatyry hady tamu. Pa jaho słovach, jany abaraniajuć rasadu žonki ad sonca. Sudździu cikaviła, čamu jon nie atrymaŭ na heta dazvoł ad uładaŭ. Śviedka na sudzie daŭ tyja ž pakazańni, jaki byli napisanyja ŭ raparcie.
U vyniku, sudździa Buhuk paličyła Bubienku vinavatym pa art. 24.23 KaAP i aryštavała jaho na 12 sutak.
Na fota malunak, za jaki Dźmitryja pakarali aryštam.
Kamientary