Matč 1-j hrupy Jeŭra-Afrykanskaj zony Kubka Devisa Biełaruś—Makiedonija zaviaršyŭsia ź likam 4:1 na karyść haspadaroŭ, jakija zachavali prapisku ŭ hrupie.
U zaklučnaj sustrečy biełaruski tenisist Andrej Vasileŭski vyjhraŭ u Ilji Marcinoŭski ź likam 6:4, 6:2 (hulnia pravodziłasia da dźviuch pieramoh u setach, bo ŭžo nie ŭpłyvała na ahulny vynik).
10 lipienia Andrej Vasileŭski prajhraŭ Dzimitaru Hrabułoski — 7:5, 7:6 (7:2), 3:6, 6:7 (5:7), 3:6, a Uładzimir Ihnacik pieramoh Łazara Mahdzinčava — 6:2, 7:5, 6:3.
11 lipienia ŭ parnaj sustrečy Maksim Mirny i Alaksandr Bury ŭziali vierch nad Hrabułoski i Mahdzinčavym — 6:1, 7:6 (7:2), 6:1.
Ahulnuju pieramohu biełarusam prynios Uładzimir Ihnacik, jaki ŭ pieršym matčy ŭ niadzielu vyjhraŭ u Dzimitara Hrabułoski — 6:3, 6:1, 6:4.
Kamientary