Mižnarodnaja Fiederacyja Pravoŭ Čałavieka (FIDH) raspaŭsiudziła zajavu, u jakoj vystupaje z asudžeńniem vyniesienaha prysudu fihurantu «spravy 14‑ci» Arciomu Dubskamu.
«FIDH nadzvyčaj zakłapočanaja niadaŭnim asudžeńniem aktyvista «Maładoha Fronta» Arcioma Dubskaha da adnaho hoda turemnaha źniavoleńnia.
7 lipienia 2009 hoda rajonny sud Asipovičaŭ pryznaŭ sp. Dubskaha vinavatym u parušeńni umovaŭ adbyćcia pakarańnia pavodle artykuła 415 Kryminalnaha Kodeksa.
10 studzienia 2008 hoda sp. Dubski prymaŭ udzieł u mirnaj akcyi pratestu pradprymalnikaŭ u Miensku. Jon byŭ aryštavany i abvinavačany pa artykule 342 Kryminalnaha Kodeksa («arhanizacyja abo ŭdzieł u hrupavych dziejańniach, hruba parušajučych hramadski paradak») razam ź inšymi ŭdzielnikami, sprava jakich stała sumna viadomaj pad nazvaj «sprava čatyrnaccaci». Adzinaccać ź ich, uklučajučy sp. Dubskaha, byli asudžanyja da abmiežavańnia voli biez nakiravańnia ŭ papraŭčyja ŭstanovy.
Sp. Dubski źjechaŭ va Ukrainu i 13 lutaha 2009 hoda byŭ aryštavany ŭ ciahniku ŭ Homieli padčas viartańnia ŭ Biełaruś z Ukrainy. Jon byŭ abvinavačany ŭ parušeńni režymu vyniesienaha pakarańnia.
Mižnarodnaja Fiederacyja Pravoŭ Čałavieka (FIDH) asudžaje kryminalny pieraśled za karystańnie pravam na mirnyja schody i zaklikaje biełaruskija ŭłady vykonvać Rezalucyju Parłamienckaj Asamblei Rady Jeŭropy i «nieadkładna i biezumoŭna źniać abmiežavańni, nakładzienyja na 11 čałaviek, asudžanych da terminaŭ abmiežavańnia voli za ŭdzieł u mirnaj demanstracyi ŭ studzieni 2008» (Rezalucyja 1671 (2009) Parłamienckaj Asamblei Rady Jeŭropy.
FIDH taksama paŭtaraje svaje zakliki da biełaruskich uładaŭ nieadkładna pakłaści kaniec usim formam pieraśledu aktyvistaŭ moładzievych arhanizacyj.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary