Da dvuch hadoŭ kałonii asudzili minčuka za kinuty ŭ milicejski aŭtobus šklany kielich
U sudzie Centralnaha rajona Minska 7 vieraśnia vyniesieny prysud pa kryminalnaj spravie Alaksandra Zajkoŭskaha. Jaho abvinavacili pa artykule 364 KK RB (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ), paviedamlajuć pravaabaroncy.
Viała praces sudździa Julija Hustyr, dziaržaŭny abvinavaŭca — Ničyparuk.
Na papiarednim pasiadžeńni prakuror zaprasiŭ dla Zajkoŭskaha dva hady pazbaŭleńnia voli ŭ kałonii ahulnaha režymu.
Jak viadoma z materyjałaŭ spravy, 12 kastryčnika 2020 hoda prykładna ŭ 21 hadzinu Zajkoŭski ŭ stanie ałkaholnaha apjanieńnia na praśpiekcie Dziaržynskaha ź inšymi nieŭstanoŭlenymi asobami akazvaŭ supraciŭleńnie rabotnikam milicyi, pahražaŭ im prymianieńniem hvałtu, kinuŭ u bok milicejskaha aŭtobusa piŭny kielich.
Sudździa Hustyr 7 vieraśnia vyniesła rašeńnie — pryznać Zajkoŭskaha vinavatym i asudzić jaho da dvuch hadoŭ pazbaŭleńnia voli ŭ kałonii ahulnaha režymu. Dadatkova — nakiravać na prymusovaje lačeńnie ad ałkahalizmu.
Taksama Zajkoŭski pavinien vypłacić čatyrom amapaŭcam pa 1000 rubloŭ kampiensacyi maralnaj škody.
Ciapier čytajuć
Babaryka: Kali b my pieramahli — vajny va Ukrainie nie było b16
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary