«Usio robim pravilna!» Top-śledčy Jaŭhien Juškievič daŭ intervju ź SIZA
Jaŭhien Juškievič — zaŭvažnaja fihura ŭ jurydyčnych kołach Biełarusi. Jon viadomy ŭnioskam u raskryćcio anłajn-handlu narkotykami, a taksama viadzieńnia spravy piedafiła Davydoviča, pa jakoj prachodzili sotni paciarpiełych. U 2020-m jon zaniaŭ pazicyju padtrymki zakonnaści. A taksama zapuściŭ prajekt kansultacyj pa pracaŭładkavańniu dla siłavikoŭ, jakija bolš nie chacieli vykonvać niezakonnyja zahady.
Juškievič nie źjechaŭ ź Biełarusi paśla pieršaha svajho zatrymańnia pa kryminalnym artykule, i ŭ vyniku byŭ zatrymany pa inšym — rasstrelnym artykule 289 Kryminalnaha kodeksa «Akt teraryzmu».
Ale palitviaźniem Juškievič nie pryznany da hetaha času. Niezrazumieła, čamu.
«Našaj Nivie» udałosia zrabić ź Juškievičam karotkaje intervju ź SIZA
Naša Niva: Lubimaje miesca ŭ Biełarusi? Čamu?
Jaŭhien Juškievič: Asipovickija lasy — bo jany sapraŭdnyja, niekranutyja.
NN: Miesca na ziamli, jakoje najbolš uraziła?
JAJU: Skandynavija — možna žyć prosta, spakojna i bahata.
NN: Jakaja jakaść najbolš dapamahaje za kratami? Jakaja čałaviečaja jakaść najbolš zaminaje za kratami?
JAJU: Bolš za ŭsio dapamahaje žadańnie vučycca, čytać, paznavać. A zaminaje kanfliktnaść i razdražnialnaść. Sutykaŭsia tut ź ludźmi nie vielmi razumnymi, praz heta ŭźnikali kanflikty.
NN: Chto vaš hieroj z sučasnaści ci minułaha i čamu?
JAJU: Usie tyja, chto achviarujuć saboj dla prava i zakonnaści. Siabie da ich nie pryličvaju.
NN: Kali b viarnuŭsia ŭ 2020, to ci niešta zrabiŭ by inakš? Ci staŭ by vyjazdžać?
JAJU: Ničoha b nie źmianiŭ — šalony i cikavy hod. Nie, nie źjechaŭ by.
NN: Što zrobiš pieršaj spravaj, apynuŭšysia na voli?
JAJU: Pieršaj spravaj abdymu ŭsich… ale kali toje budzie.
NN: Jakija ŭmovy ŭ ciabie ŭ kamiery? Jakija prablemy? Što za ludzi pobač? Jak adnosiny z sukamiernikami i achoŭnikami?
JAJU: Jakija ŭmovy — rabi vysnovy sam, ja były supracoŭnik… A ludzi roznyja.
NN: Jak prachodzić dzień u kamiery? Čym zvyčajna zajmaješsia? Što pračytaŭ, a što płanuješ?
JAJU: Čytaju knihi pa prahramavańni, kryminałohii i teoryi kanfliktaŭ, čytaju Handzi. Imknusia fizična zajmacca, radujusia špacyram.
NN: Jak vyniki vykładańnia matematyki i infarmatyki sukamiernikam?
JAJU: Vielmi zdorava, bolš mnie padabałasia, ale i ŭsim, kamu vykładaŭ, taksama. Biada, što im usim śviecić pa 10 hod.
NN: Čaho bolš nie chapaje ŭ SIZA?
JAJU: Bolš za ŭsio nie chapaje śviatła — siadzim jak u nary. Pry hetym, śviatła va ŭsich sensach.
NN: Što b ty skazaŭ biełarusam, što hublajuć ci zhubili nadzieju na lepšaje?
JAJU: Usio, što rabili, liču adzinym pravilnym, i ciapier toje što robim — pravilna.
NN: Jakaja padzieja z apošnich najbolš uraziła?
JAJU: Dźvie achviary za apošni čas — darma, ni za što, takoha nie pavinna było być.
***
Pisać Jaŭhienu Juškieviču možna pa adrasie: 220030, h. Minsk, vuł. Vaładarskaha, 2, SIZA-1.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary