Kavid i hryp. Čaho čakać ad dźviuch pandemij adnačasova i što rabić?
U minułym hodzie, dziakujučy supraćkavidnym mieram pieraściarohi, epidemija hrypu była nie nadta vyražanaja. Adnak zamiežnyja ekśpierty ličać, što hetaj zimoj siezonnaja pandemija hrypu znoŭ nabiare razmach. Voś što, pavodle mierkavańnia Wall Street Journal, treba viedać pra spałučeńnie pandemij kavidu i hrypu.
Ci možna spałučać bustarnyja vakcyny i pryščepku suprać hrypu?
Pradstaŭniki amierykanskaj ustanovy «Centr pa kantroli i prafiłaktycy zachvorvańniaŭ» śćviardžajuć, što mahčyma navat u adzin dzień atrymać vakcynu ad hrypu i supraćkavidny bustar, to-bok dadatkovuju vakcynu. Praŭda, lepš rabić pryščepki ŭ roznyja ruki. Kali heta niemahčyma, pamiž miescami injekcyj pavinna być minimum niekalki santymietraŭ.
Nakolki mocnaj budzie epidemija hrypu?
Ciažka pradkazać maštab siezonnaha hrypu. Ale jość faktary, jakija napeŭna zrobiać sioletniuju epidemiju dastatkova mocnaj.
Imunitet ad hrypu možna atrymać dvuma sposabami: paśla pieraniesienaj chvaroby i paśla vakcynacyi.
U minułym hodzie vypadkaŭ hrypu było niašmat, tamu mienš ludziej, čym zvyčajna, atrymali paśla infiekcyi abaronu ad chvaroby. Tamu zaraz čałaviectva vymušanaje spadziavacca na reštki imunitetu suprać hrypu, atrymanaha jašče da pandemii kavidu.
Jak zrazumieć, kavid u mianie ci hryp?
Amal niemahčyma adroźnić simptomy kavidu ad prykmiet hrypu. Adziny sposab zrazumieć, čym kankretna vy chvarejecie — zrabić test. Kali heta mahčyma, praviercie siabie i na hryp, i na kavid.
Antyvirusnyja leki mohuć palehčyć stan padčas hrypu. Adnak jany dziejničajuć bolš efiektyŭna, kali pačynać prymać ich jak maha raniej. I, viadoma, varta prakansultavacca z doktaram pierad pryjomam lekaŭ.
Nakolki efiektyŭnyja vakcyny suprać hrypu?
Kožny hod vyrab pryščepki suprać hrypu — vyklik dla ekśpiertaŭ. Ciažka pradkazać, jakija štamy buduć cyrkulavać padčas siezonnaj epidemii, dy i virus sumna viadomy tym, što jon moža chutka muciravać.
Ale, pavodle mierkavańnia miedykaŭ, vakcynavacca suprać hrypu ŭsio roŭna treba. Takaja pryščepka abaraniaje suprać niekalkich štamaŭ, jakija časta cyrkulirujuć razam, i jość danyja, što vakcynavanyja ludzi chvarejuć na hryp nie tak ciažka.
«Lubaja lepš, čym nijakaj!» Infiekcyjanist Mikita Sałaviej padrabiazna raskazaŭ pra vakcyny. Sabrali hałoŭnaje
Što efiektyŭniejšaje: «Sputnik» abo kitajskaja vakcyna?
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary