Krynicy: prakuror Stoŭbcaŭ admoviŭsia płacić u restaranie, a kali vyklikali milicyju — dastaŭ «ksivu»
Jak stała viadoma «Našaj Nivie», zvolnieny z pracy Siarhiej Hrycuk — prakuror Staŭbcoŭskaha rajona. Hetuju infarmacyju paćvierdzili ŭ prakuratury rajona. Źnik Hrycuk i z raskładu pryjomu nasielnictva na sajcie Hienprakuratury.
«Hrycuk straciŭ pasadu praz toje, što niadaŭna, paśla adnaho z restarannych bankietaŭ, admoviŭsia płacić pa rachunku, niepryjemna ŭraziŭšysia vynikovymi ličbami, — raskazvajuć surazmoŭcy «Našaj Nivy». — U vyniku atrymaŭsia skandał z vyklikam milicyi, jaki Hrycuk pasprabavaŭ vyrašyć, dastaŭšy paśviedčańnie».
Načalstva mietady Hrycuka nie acaniła — bolš jon nie pracuje. Novy prakuror jašče nie pryznačany.
Pra samaho Hrycuka asablivaj infarmacyi ŭ adkrytym dostupie niama. Viadoma, što raniej jon pracavaŭ u Smalavickaj prakuratury.
Jak stała viadoma «Našaj Nivie» paśla vychadu publikacyi, Siarhiej Hrycuk — plamieńnik staršyni respublikanskaj kalehii advakataŭ i člena Savieta Respubliki Viktara Čajčyca. Maci Hrycuka i Čajčyc — rodnyja brat i siastra.
Kamientary