Łatvija nie budzie pierahladać palityku ŭ dačynieńni da mihrantaŭ ź Biełarusi
Ryha nie moža pierahledzieć palityku ŭ dačynieńni da prośbitaŭ prytułku na miažy ź Biełaruśsiu. Pra heta ŭ aŭtorak zajaviła ministr unutranych spraŭ Respubliki Maryja Hołubieva, kamientujučy adpaviedny zaklik Upraŭleńnia viarchoŭnaha kamisara AAN pa spravach biežancaŭ, piša TASS.
«Kali b my ŭpuścili ŭsich, chto sprabuje nielehalna pierasiačy miažu Łatvii ź Biełarusi, [to] hety praces doŭžyŭsia b niekalki miesiacaŭ. Našy mahčymaści pa zabieśpiačeńni ŭsim nieabchodnym byli b vyčarpanyja vielmi chutka», — skazała jana ŭ efiry Łatvijskaha telebačańnia.
«Kali pierasiačy miažu sprabuje chtości, kamu sapraŭdy pahražaje niebiaśpieka, abo, kali, naprykład, jość maleńkija dzieci, to hetych ludziej prapuskajuć u Łatviju», — adznačyła jana.
Pa słovach kiraŭnika MUS, pamiežniki kožny dzień kanstatujuć sproby dziasiatkaŭ čałaviek nielehalna pierasiačy łatvijska-biełaruskuju miažu.
«Hetaja ličba niaźmiennaja: kožny dzień sprabujuć pierasiačy miažu ad 15 da 25 čałaviek. Časam heta adny i tyja ž ludzi, jakija adnojčy ŭžo sprabavali heta zrabić. Choć my ciapier i kantralujem miažu, važna prasoŭvacca napierad ź infrastrukturnym prajektam [pa budaŭnictvie płota]», — padkreśliła Hołubieva.
Kamientary